UBUNGO KUNA FURSA NYINGI, NJOONI MUWEKEZE

Posted on: January 31st, 2024

Wafanyabiashara wa Wilaya ya Ubungo wamekumbushwa kurasimisha biashara zao kwa kukata na kutundika  leseni za biashara katika maeneo yao ya biashara kama sheria ya biashara inavyoelekeza.

Hayo yamezungumzwa na Mkuu wa idara ya Biashara, viwanda na biashara Manispaa ya Ubungo Mary Mwakyosi wakati akiwasilisha taarifa kwenye baraza la biashara la wilaya hiyo lililofanyika januari 30, 2024 na kueleza kuwa imekuwa changamoto kwa wafanyabiashara kutorasimisha biashara zao lakini pia hata waliorasimisha hawatundiki leseni zao katika maeneo yao ya biashara.

Mwakyosi amesema kuwa Manispaa imeendelea kutoa elimu kwa mlipa kodi na katika kuongeza uelewa wa masuala ya uendeshaji wa biashara, manispaa imeandaa kampeni ya kata leseni, tundika leseni inayolenga kuelimisha wafanyabiashara kuona umuhimu wa kitundika leseni katika maeneo yao ya biashara.

"Kutokana na urahisi wa kupata leseni za biashara kupitia mfumo wa TAUSI wafanyabiashara wamekuwa na kawaida ya kuto print leseni zao baada ya kuzipakua kwenye mfumo badala yake wanaziacha tu kwenye simu zao huo sio utaratibu" 

Kutokana na maendeleo katika matumizi ya Tehama, wafanyabiashara wamekumbushwa kujenga utamaduni wa kufuatilia taarifa mbalimbli kupitia mitandao ya kijamii na vyombo vya habari ili waweze kupata elimu ya biashara lakini pia kukuza masoko ya biashara zao.

Akiongea mwenyekiti wa kikao hicho katibu tawala wa wilaya ya Ubungo Hassan Mkwawa amewataka wafanyabiashara wa wilaya ya Ubungo kuchangamkia fursa ya kujiunga na chemba ya wafanyabiashara ya wilaya hiyo inayojulikana kama TCCIA ili kupata faida mbalimbali za kibiashara ikiwemo mikopo kutoka taasisi za fedha

Aidha, wafanyabiashara wa wilaya hiyo wametakiwa kuchangamkia fursa ya kufanya uwekezaji kwenye sekta mbalimbai ikiwemo ujenzi wa viwanda vikubwa,  shopping malls, restaurants, maeneo ya kupumzika ukizingatia Wilaya hiyo ni lango la kuingia jiji la Dar es Salaam