UBUNGO KUPAMBANA NA KICHAA CHA MBWA KWA KUTOA CHANJO

Posted on: September 28th, 2024

Katika kuadhimisha siku ya kichaa cha mbwa Duniani Septemba 28, 2024 Manispaa ya Ubungo imetoa chanjo dhidi ya kichaa cha mbwa bure katika viwanja vya shule ya msingi Malamba Mawili kata ya Msigani

Akiongea afisa Mifugo Manispaa ya Ubungo George Katua ameeleza kuwa, Manispaa ya Ubungo imekuwa ikifanya jitihada mbalimbali za kupambana na ugonjwa wa kichaa cha mbwa kwa kutoa chanjo mara kwa mara ambapo kwa siku ya leo wameadhimisha ili kujenga uelewa kwa wananchi juu ya ugonjwa huo

Nae mwenyekiti wa taasisi ya wafugaji wadogo wa wanyama Tanzania (TASAVO) Alex Chang'a ametoa rai kwa wananchi ambao wanafuga mbwa kuhakikisha wanawafuga kwa kuzingatia HAKI zao za msingi ikiwa ni pamoja na kujali Afya zao ili kuepuka madhara yanayoweza kujitokeza