UBUNGO MANISPAA YAJIVUNIA WAJASIRIAMALI WABUNIFU NANRNANE

Posted on: August 2nd, 2023

Wakati maonesho ya Nanenane kanda ya Mashariki yakiendelea katika viwanja vya J.K Nyerere mjini Morogoro, Manispaa ya Ubungo inajivunia kuwa na wa wajasiliamali wanaosindika na kuyaongezea thamani mazao mbalimbali ya kilimo ikiwemo mlonge ambao unatumika kama lishe, kinga na tiba katika mwili wa binadamu.

Utaalamu huu wa usindikaji kwa kuliongezea thamani zao hilo mhimu unafanywa na kikundi cha wanawake cha MAKAI MORINGA ambapo kimefanikiwa kupata soko la ndani na nje ya nchi.

Akizunvumza kwenye banda  la Manispaa ya ubungo Bi Hatupelile sanga Mwenyekiti wa kikundi hicho amesema kuwa kikundi kiliona fursa ya kusindindika bidhaa za Mlonge kutokana na faida zake kwa afya ya binadamu na uwepo wa soko la uhakika.

Bi sanga anasema  kikundi hicho kilichoanza tangu mwaka 2004 kinauza bidhaa za mlonge ikiwemo unga wa majani ya mlonge, mafuta, sabuni,  majani ya chai ya mlonge , mafuta na vidonge kwa nchi za Afrika Kusini, Marekani, Kenya, msumbiji na China ambapo kilo moja ya unga wa mlonge ni shilingi elfu hamsini (50,000)  na elfu thelathini kws soko la ndani.

Utoaji wa elimu kwa watanzania unaendelea kupitia maonesho mbalimbali tunayoshiriki ikiwemo Nanenane, sabasaba, kwa kushirikiana na madaktari na wataalamunwa lishe ili watu wengi wafahamu bidhaa hizi zenye faida lukuki za kiafya ikiwemo chanzo cha madini na vitamini nyingi ukilinganisha na vyakula vingine.

Bi sanga anawashauri wa kulima kuanzidha mashamba ya Miti ya Milonge kwani malighafi hiyo inahitajika sana katika kusindika bidhaa mbalimbali ambazo zina faida kiafya " tukumbuke Mlonge ni LISHE, KINGA NA TIBA kama kauli mbiu ya maonesho ya nanenane 2023 inavyosistiza kuwa *Vijana na wanawake ni msingi imara wa mifumo endelevu ya  chakula*