UBUNGO NIWAPONGEZE SANA, UWEKEZAJI NI MZURI NDANI YA UBUNGO

Posted on: February 26th, 2024

Niwapongeze sana kwa uwekezaji mkubwa uliofanyika katika Wilaya ya Ubungo kwa ujenzi wa Kituo kikubwa cha biashara cha East Africa Commercial and logistics Center (EACLC) ambacho kitaenda kuleta manufaa makubwa kwa Wana Ubungo na watanzania kwa ujumla.

Kauli hiyo imetolewa na Mkuu wa Mkoa wa Dar es Salaam Mhe. Albert Chalamila tarehe 26 Februari, 2024 alipotembelea Kituo Kikubwa cha Kibiashara cha East Africa commercial and logistic Center na kujionea ujenzi wa mradi huo na hatua ya mradi ulipofikia 

Akitembelea Kituo hicho Chalamila amesema kuwa, Kituo hicho cha kibiashara kinaenda kutengeneza fursa mbalimbali ikiwemo ajira kwa vijana na pia kitakuza swala la kibiashara kwa Afrika

"Dar es Salaam kwa Sasa inastahili kuwa na maeneo makubwa ya biashara hivyo uwekezaji ni muhimu mnakaribishwa kwa maslahi mapana ya taifa, wafanyabiashara changamkieni hii fursa" aliongeza Chalamila

Akisoma taarifa ya Kituo hicho Mkurugenzi wa kituo hicho Cathy Wang amesema kuwa ujenzi wa  Kituo hicho utaghairimu kiasi cha dola za kimarekani milioni 118 sawa na  Bilioni 294 za kitanzania na kinatarajiwa kumalizika mwezi juni, 2024 ambapo ajira za moja kwa moja zaidi ya elfu 15,000 zitatolewa sambamba na ajira zisizo za moja kwa moja elfu 50,000 na pia kitakuwa kituo Kikubwa cha Kibiashara Afrika mashariki

Cathy aliendelea kwa kusema kuwa uwekezaji huo pia unaendelea ukiwa na lengo la kukuza maswala ya kibiashara kwa Afrika na kujenga mahusiano mazuri ya kibiashara 

Aidha, RC Chalamila ametembelea na kukagua ujenzi wa  mradi wa Hospitali ya Wilaya ya Ubungo iliyopo Kimara baruti na kuweka jiwe la Msingi katika Shule ya Sekondari ya Ubungo NHC iliyopo Kata ya Ubungo

Na pia katika ziara hiyo Rc Chalamila ametatua kero za wananchi katika eneo la Uwanja wa barafu uliopo Mburahati