UBUNGO YAADHIMISHA SIKU YA WAZEE DUNIANI KIWILAYA

Posted on: October 5th, 2023

Manispaa ya Ubungo yaadhimisha siku ya Wazee Duniani Kiwilaya  tarehe 5 october, 2023 na Maadhimisho hayo yameenda sambamba na kauli mbiu ya UTHABITI WA WAZEE KWENYE DUNIA YENYE MABADILIKO

Katika maadhimisho hayo yaliyofanyika katika viwanja vya Manispaa ya Ubungo mgeni rasmi alikuwa Katibu Tawala Wilaya ya Ubungo Mhe. Hassan Mkwawa na alipongeza juhudi za Manispaa ya Ubungo katika kuhakikisha misamaha ya matibabu ya wazee, kuratibu vikao vya wazee katika ngazi ya kata, mtaa na wilaya

Na pia Kuwezesha wazee kupata vitambulisho vya msamaha wa matibabu, kuwaunganisha wazee wanaopotezana na familia zao, kuwapatia hifadhi kwenye makao ya wazee waliopotezana na familia zao na pia kuwawezesha wazee kushiriki katika maadhimisho ya siku ya wazee kitaifa 

 Aliendelea kwa kuwapongeza maafisa ustawi wote kwa kuendelea kutoa huduma kwa wazee na kuwezesha wazee kwa kuwapa vipaumbele

“Tuendelee kuwahuduma wazee hawa kwa upendo na ukarimu na kuwavumilia wanapohitaji huduma” alisisitiza Mkwawa

Akisoma taarifa ya utekelezaji wa Idara ya Afya, ustawi wa jamii na Lishe Afisa Ustawi Manispaa ya Ubungo Zainabu Masilamba alisema kuwa Manispaa ya Ubungo ina jumla ya wazee 18,359 kati yao wanawake ni 9,675, wanaume 8,684 na wamefanikiwa kuunda mabaraza ya wazee 105 katika kata 14 na mitaa 90

Aliendelea kusema kuwa, Idara imeendelea kutoa huduma kwa wazee kwa weledi ili kutatua migogoro na kupinga ukatili dhidi ya wazee.

Aidha, Mganga Mkuu Manispaa ya Ubungo ambaye ni Kaimu Mkurugenzi Dkt.Tulitweni Mwinuka aliwashukuru wazee kwa ujio wao na pia kuwaahidi manispaa itaendelea kuwahakikisha inawatimizia mahitaji yao na kuwa karibu nao wanapokuwa na changamoto

Nae, Katibu wa wazee Wilaya ya ubungo Hafsa Ismail amemshukuru mgeni rasmi kwa niaba ya wazee wote  kwa ujio wake na kumshukuru kwa  kadi za msamaha wa matibabu walizopewa na kumomba waendelee kuwazingatia kupata mahitaji yao kwa wakati

Mratibu wa Bima ya ICHF Manispaa ya Ubungo Letricia Meena alihamasisha wazee na familia kuendelea kukata bima hiyo ambayo Tsh 150,000 ni kwa kaya (baba, mama na watoto 4) na 40,000 kwa mtu mmoja