UBUNGO YAADHIMISHA WIKI YA MAGONJWA YASIYOAMBUKIZA

Posted on: November 12th, 2021

Manispaa ya Ubungo yaadhimisha  wiki ya magonjwa yasiyoambukiza  tarehe 12, novemba, 2021 kwa kufanya  mazoezi ya kutembea  na kutoa huduma ya kupima bure kwa  wananchi magonjwa yasiyoambukiza ambayo ni presha, moyo, saratani, macho n.k pamoja na kutoa ushauri juu ya umuhimu wa kuzingatia lishe bora, na kutoa huduma ya chanjo ya UVIKO 19

Maadhimisho hayo yamekwenda Sambamba na kauli mbiu ya BADILI MTINDO WA MAISHA, BORESHA AFYA yaliyoanzia kwa kutembea kutoka Kituo Cha Afya Cha Kimara Hadi Hospitali ya Wilaya iliyopo Kimara Baruti

Akifungua hafla hiyo Katibu tawala Wilaya ya Ubungo James Mkumbo amewasihi wananchi kushiriki kikamilifu katika zoezi hilo kwa kufanya mazoezi kwaajili ya kuimarisha  Afya na kuunga mkono jitihada za  serikali kwa kupima magonjwa yasiyo ambukiza bure

 "Mzingatie ulaji wa vyakula vyenye Lishe bora ili kuimarisha Afya zetu "

Aidha  Mkurugenzi Manispaa ya Ubungo Beatrice Dominic  aliwaamasisha wananchi kufanya mazoezi ikiwa ni njia moja wapo ya kuboresha afya na pia  kufanya vipimo vya magonjwa mbalimbali yasiyoambukiza ambavyo vipimo vinatolewa  bure katika eneo hilo

Utoaji wa huduma ya upimaji wa magonjwa yasiyo ambukiza litahitimishwa kesho tarehe 13.11.2021,wananchi wote mnaombwa kujitokeza kwa wingi