UBUNGO YAENDESHA MAFUNZO YA MFUMO WA USIMAMIZI WA MIRADI

Posted on: December 8th, 2025

Manispaa ya Ubungo imeendesha mafunzo maalum ya  mfumo mpya wa O na OD kwa  lengo la kuongeza uelewa na kuboresha utekelezaji wa mfumo wa usimamizi na tathmini ya miradi katika maeneo mbalimbali ya utawala.

Mafunzo haya yamejumuisha watendaji kutoka ngazi tofauti za manispaa, wakiwemo maafisa maendeleo ya jamii, maafisa watendaji wa kata, pamoja na  wataalam kutoka idara mbalimbali wa  manispaa.

Katika mafunzo hayo, washiriki wamepata nafasi ya kujifunza kwa kina dhana ya O (Outcome) na OD (Outcome Documented), umuhimu wake katika kupanga na kufuatilia maendeleo, pamoja na namna ya kuweka kumbukumbu sahihi zinazosaidia kupima matokeo ya miradi kwa ufanisi. Akizungumza katika katika mafunzo hayo kaimu mkurugenzi Ndg Walyama Sospeter Tundesa ambae ni mkuu wa idara ya mipango na uratibu amesema " wananchi wanapo shirikishwa katika mipango, uratibu na utendaji katika miradi ya maendeleo  mbalimbali kunawajengea uzalendo na kuthamini miradi hiyo kwani wanaona nguvu na juhudi zilizo tumika katika kutekeleza  miradi hiyo."

Aidha,  mafunzo yamesisitiza kuwa  matumizi sahihi ya mfumo huu yatachangia Kuongeza uwazi katika utekelezaji wa miradi ya maendeleo, Kuwezesha upimaji wa matokeo kwa njia inayoweza kuthibitishwa, Kuboresha utoaji wa taarifa za maendeleo kwa wakati pamja na Kusaidia viongozi kufanya maamuzi sahihi kulingana na ushirikishwaji kwa ngazi zote.

Kwa ujumla, mafunzo haya  yana manufaa makubwa kwa washiriki, kwani yameongeza uelewa na kuimarisha uwezo wa watendaji katika usimamizi wa taarifa. Manispaa ya Ubungo itaendelea kutoa mafunzo ya aina hii ili kuhakikisha kuwa wadau wote wanaohusika na maendeleo wanakuwa na ujuzi na zana sahihi za kutekeleza majukumu yao.