UBUNGO YAFANYA ZIARA MWANZA JIJI

Posted on: September 9th, 2024

Waheshimiwa Madiwani, viongozi wa chama Cha Mapinduzi (CCM) Wilaya na watalaam wa Manispaa ya Ubungo september 9, 2024 wamefanya ziara ya mafunzo katika Halmashauri ya Jiji la Mwanza, kwa ajili ya kujifunza namna Jiji hilo lilivyofanikiwa kuanzisha uhusiano na miji dada katika nchi mbalimbali duniani kwa lengo la kutangaza fursa zinazopatikana jijini humo katika majukwaa ya kimataifa.

Akiwasilisha taarifa ya uanzishwaji wa miji dada (Sisterhood Cities) katika ya jiji hilo  Mratibu wa uhusiano huo bwana Brown Billy amesema katika uanzishawaji wa mahusiano na miji dada hiyo unategemea hasa namna Halmashauri ilivyoandaa wasifu wake (Council Profile) ukionesha fursa zilizopo  ili kuvutia Miji husika kuanzisha uhusiano wa kimaendeleo na Halmashairi husika kwani nafasi hizo zinagombaniwa na Halmashauri mbalimbali barani  Afrika

 Brown amesema kuwa, Halmashauri ya Jiji la Mwanza lilianza kuwa na ushirikiano na miji dada tangu mwaka 1960 ambapo mpaka sasa wanaurafiki na miji 5 katika nch 5 ikiwemo Marekani, Korea  na Finland, Ujerumani na Norway ambapo wamefanikiwa kutekeleza miradi mbalimbali katika sekta ya mazingira, Afya, Elimu na biashara

Aidha, kupitia uhusiano na miji hiyo Halmashauri ya Jiji la Mwanza limefanikiwa kushiriki mihadhara ya kimataifa kuelezea fursa zinazopatikana kwenye jiji hilo lakini pia imewapa fursa ya kupata mialiko nchi mbalimbali  kutoa elimu namna walivyoweza kuanzisha uhusiano na mijidada ambayo imeleta manufaa makubwa kwao ikiwemo kujulikana kimataifa

Kwa upande wao Madiwani wakiongozwa na Mstahiki Meya wa Manispaa ya Ubungo Mhe. Jaffary Nyaigesha wameipongeza Halmashauri ya Jiji la Mwanza kwa mafanikio makubwa na kuwaelekeza wataalamu wao kuanza mchakato mara moja wa kutafuta miji dada pamoja na kuandaa wasifu wa Halmashauri unaoonesha fursa zilizopo katika Manispaa hiyo ili kuboresha utoaji wa huduma na ukusanyaji wa mapato.

Manispaa ya Ubungo iko kwenye mchakato wa kuanzisha uhusiano na miji ya Shandong na Wendeng za nchini  china katika sekkta za afya, elimu, viwanda na biashara, hivyo ziara hiyo itawawezesha wajumbe kupata uzoefu wa namna ya kusimamia kuanziasha na miji mingi zaidi kama Jiji la Mwanza ambalo lina uhusiano