UBUNGO YAJIFUNZA JAMBO ARUSHA JIJI

Posted on: December 22nd, 2023

Waheshimiwa Madiwani wa Manispaa ya Ubungo wakiongozana na wataalamu wamefanya ziara ya mafunzo  katika Halmashauri ya Jiji la Arusha iliyolenga  kujifunza namna bora ya utunzaji wa Mazingira na ukusanyaji wa mapato.

Jiji hilo ambalo limefanikiwa katika ukusanyaji wa mapato katika vyanzo mbalimbali, chanzo cha ushuru wa huduma kinachobeba asilimia 35 ya bajeti nzima ya  ya Jiji kinafanya vizuri zaidi huku wakieleza siri ya mafanikio hayo kuwa yametokana na kushirikisha taasisi zingine ikiwemo TRA, TARA na TANROADS katika kukusanya ushuru huo.

Akisoma taarifa ya mapato ya ndani  ya Jiji hilo kwa mwaka wa fedha 2023/2024 Mhasibu msaidizi  ndugu Mohamed Koya amesema kuwa manispaa hiyo imepanga kukusanya jumla ya shilingi bilioni 48.9  kutoka katika vyanzo 32 ikiwemo ushuru wa huduma ambapo kupitia chanzo hicho pekee jumla ya shilingi bilioni 17.5 zinatarajiwa  kukusanywa

Vyanzo vingine vinavyofanya vizuri ni  pamoja na uuzaji wa viwanja, leseni za biashara, ushuru wa mabango ambapo katika kuhakikisha wanakusanya kwa asilimia 100 mikakati mbalimbali ikiwemo ushirikiano kati ya wataalam na waheshimiwa madiwani katika ukusanyaji, usimamiaji na ufuatiliaji wa mapato kuwa ndilo jambo  linalowapa mafanikio makubwa katika ukusanyaji.

Wakiwa kwenya ziara hiyo wanaUbungo wamejifunza juu ya Matumizi ya mifumo rafiki ya TEHAMA  isiyozalisha madeni ambapo baada ya kuoata maelezo ya kina wameamua kutumia wataalamu wa fedha katika Jiji hilo kuwapa mafunzo zaidi ili kutatua changamoto ya wadaiwa sugu na kuchelewa  malipo kwa baadhi ya watoa huduma.

Kwa upande wake kaimu Naibu Meya  Wa Jiji la Arusha Mhe.Isaya Doita amesema kuwa siri kubwa ya mafanikio ya Halmashauri hiyo katika maeneo mbalimbali ni kushirikiano mzuri uliopo kati waheshimiwa  Madiwani na Menejimenti katika kutekekeza  shughuli za maendeleo.

Akitoa shukrani katika ziara hiyo Mstahiki Meya wa Manispaa ya Ubungo Mhe. Jaffary Juma Nyaigesha amesema, pamoja na kupata uzoefu katika ukusanyaji wa mapato, lakini pia wamejifunza namna ya uendeshaji wa dampo ambalo kwa kiasi kikubwa limesaidia kuweka Jiji hilo safi, "tumejifunza na itatusaidia kuendesha dampo letu ambalo tunatarajia kulijenga ili kuimarisha usafi.