UBUNGO YAKABIDHIWA MRADI ULIOFADHILIWA NA KANISA LA YESU KRISTO LA WATAKATIFU WA SIKU ZA MWISHO

Posted on: July 17th, 2024

Kanisa la Yesu kristo la  watakatifu wa siku za mwisho mapema  tarehe 17 julai, 2024 wameikabidhi Manispaa ya Ubungo mradi ambao walifadhili  ujenzi wa ghorofa ya pili katika jengo la wagonjwa wa nje (OPD) pamoja na njia ya  kutembelea wagonjwa kutoka ghorofa ya kwanza kwenda ghorofa ya pili (Ramp) katika Kituo Cha Afya Kimara.

Gharama ya ujenzi wa ghorofa ya pili umegharimu kiasi Cha shilingi milioni  480,000,000/= na ujenzi wa Ramp  umegharimu kiasi Cha shilingi  115,000,000/=

Akipokea mradi huo mwakilishi wa Mganga Mkuu Dkt. Felista Kimolo amewashukuru wafadhili hao kwa kumalizia mradi huo ambao wananchi wanaenda kuanza kuutumia na kunufaika nao.

Akisoma taarifa ya mradi huo Rais wa kanisa la watakatifu wa siku za mwisho Ndg. Juventinous Mwesiga Rubona amesema kuwa lengo la kufadhili mradi huo ni kusaidia upatikanaji wa huduma kwa jamii na hasa katika Kituo hicho ambacho kina hudumia wananchi wengi

Aliendelea kusema kuwa, Kanisa linafanya haya likiwa na malengo makubwa hasa kusaidia watanzania wote na hata wanaubungo

Aidha, mfawidhi wa Kituo hicho Dkt. Malamla Chaulenzi amesema kuwa, Kituo hicho kina hudumia  wananchi wengi kwa siku  na kukamilika kwa mradi huo inaenda kusaidia uboreshaji wa huduma na kuwezesha wagonjwa wengi kupatiwa huduma kwa haraka

Awali kulikua na uchache wa miundombinu iliyopelekea huduma kupatiwa kwa wagonjwa inatumia muda mrefu ila Sasa changamoto hiyo imekwisha.alisema chaulenzi

Nae , Mwakilishi wa wananchi ambaye pia ni mkazi wa Kimara Thomas Mbogo amelishukuru kanisa kwa msaada huo ambao unaenda kuleta manufaa makubwa kwa wakazi wa eneo hilo na Wilaya nzima ya Ubungo na kuwaomba kanisa kuendelea kusaidia Ubungo