UBUNGO YAPOKEA MADAWATI 100 KUTOKA KAMPUNI YA AK TRANSPORT

Posted on: July 20th, 2022

Halmashauri ya Manispaa ya Ubungo imepokea madawati 100 kutoka kampuni ya AK Transport ikiwa ni mchango wa kampuni hiyo katika kuchangia huduma kwa jamii.

Akizungumza baada ya kupokea msaada huo, Mkurugenzi wa manispaa hiyo Beatrice Dominic ameishukuru kampuni hiyo kwa msaada walioutoa kwani shule nyingi zina changamoto ya madawati.

Dominic ameeleza kuwa, madawati yaliyopokelewa yamepelekekwa shule ya sekondari Mbezi Inn Madawati 50 na madawati mengine 50 yamepelekwa sekondari ya  Mugabe

"Nitumie fursa hii kuwakumbusha wadau wengine wa maendeleo kuchangia sekta ya elimu hususani Madawati kwani serikali imejitahidi kwa kiasi kikubwa kujenga madarasa ila madawati bado kuna upungungufu mkubwa" alkeleza Beatrice

Kwa upande wake Mweka Hazina wa kampuni ya AK Transport ndugu Salumu Mwinyimvua amesema "sisi kama wadau tunaona fahari kuchangia maendeleo kwa jamii hasa katika sekta ya elimu"