UBUNGO YAPONGEZWA KWA USIMAMIZI MZURI WA MIRADI

Posted on: October 20th, 2023

Kamati ya Mipango Miji na Mazingira Manispaa ya Ubungo imepongeza wataalamu wa Manispaa hiyo kwa usimamizi mzuri wa  miradi ya maendeleo kwani inajengwa kwa kuzingatia ubora unaostahili.

Pongezi hizo zimetolewa na kamati hiyo wakati wa ziara ya kukagua miradi kwa kipindi cha robo ya kwanza  ya mwaka wa Fedha 2023/2024 kinachoanzia Mwezi Julai hadi Septemba na kusema kuwa miradi ikiwemo ujenzi wa nyumba ya Mkurugenzi ina ubora wa hali ya juu sana.

Nicholas  Bataringaya  ambaye ni Mwenyekiti wa kamati  hiyo amesema kuwa, Kamati imeridhishwa na miradi hasa mradi wa nyumba ya Mkurugenzi ni nzuri lakini pia inajengwa kwa viwango vya ubora wa juu sana"

Pamoja na kukagua mradi wa Ujenzi wa Nyumba ya Mkurugenzi wa Manispaa hiyo, kamati pia imetembelea mradi wa uboreshaji wa Soko la Mabibo ambapo ujenzi wa banda moja kwa ajili ya wafanyabiashara umekamilika na ujenzi wa barabara yenye urefu wa mita 500 kwa kiwango cha changalawe umeanza.

Mradi wa barabara unaojumuisha na ujenzi wa wa mitaro katika soko hilo utagharimu kiasi cha shilingi Milioni 270 ikiwa ni sehemu ya fedha shilingi milioni 600 zilizotolewa na Manispaa kwa ajili ya uboreshaji wa soko hilo kwa awamu ya kwanza.

Wajumbe wa kamati ya Mipango miji wakiongwa na mwenyekiti wa kamati hiyo Mhe.Bataringaya Nicholaus  wakijadili baada ya kutembelea mradi