UBUNGO YAUPIGA MWINGI MITI 500 YAPANDWA SHULE YA SEKONDARI DAR ES SALAAM GIRLS

Posted on: March 15th, 2024

Waziri wa Nchi, Ofisi ya Makamu wa Rais Muungano na Mazingira Mhe. Selemani Jafo  tarehe 15 March, 2024 amepanda miti katika Shule ya Sekondari ya Dar es Salaam Girls ambapo jumla ya miti 500 imepandwa katika Shule hiyo 

Ikiwa ni kuelekea miaka 60 ya muungano, Lengo ni kukabiliana na mabadiliko ya tabia nchi ambayo yanaweza kuleta madhara makubwa kwa taifa

Akizungumza Mhe.Jafo amesema kuwa, kila mtu anasababu ya kupanda mti ili kutunza mazingira na kupendezesha taifa

Jafo aliendelea kwa kusema kuwa, Ubungo mmefanya jambo kubwa miti 500 iliyopandwa Leo katika Shule hii iwe ni kumbukumbu tosha na wanafunzi wa Shule hii nawaagiza mkaitunze miti hii

"Niwapongeze pia walimu wa Shule ya Dar es Salaam Girls mmesimamia vizuri nidhamu ya wanafunzi wa Shule hii kwani wanafunzi ni wasafi sana" aliongeza Jafo

Nae,Mstahiki Meya Manispaa ya Ubungo Mhe.Jaffari Nyaigesha amemshukuru Rais wa Jamuhuri ya Muungano wa Tanzania Mhe.Dkt Samia Suluhu Hassan kwa kuwezesha Ubungo kujenga Shule ya Sekondari ya wasichana ya Mkoa Dar es salaam Girls ambayo tayari wanafunzi wanaendelea na masomo

Aliendelea kwa kumshukuru  Mhe.Jafo kwa kufanikisha zoezi la upandaji  miti katika Shule hiyo lengo likiwa ni kuweka mazingira safi na salama 

Aidha, Wadau mbalimbali wa Mazingira wamepatiwa vyeti vya pongezi kwa ajili ya kutambua mchango wao katika kuwezesha swala la utunzaji wa Mazingira Ubungo na wadau hao ni NMB,Mwananchi,Heaven of peace Church, Amani Tanzania, kitengo Cha Mazingira Manispaa ya ubungo n.k

Akishukuru mmoja wa wanafunzi wa Shule hiyo Amina amemshukuru Mhe. Waziri Jafo kwa kufika siku hiyo muhimu ambayo Ubungo imeenda kutengeneza historia nyingine katika Shule ya Sekondari ya Dar es Salaam Girls.