UBUNGO YAZIDI KUWASOGEZEA WANANCHI WAKE HUDUMA MLANGONI

Posted on: October 21st, 2023

Wananchi wa Mtaa wa Kinzudi kata ya Goba Manispaa ya Ubungo wameachana na changamoto ya kupata huduma za afya katika Zahanati ya Wilaya jirani baada ya kuanza kutumika kwa zahanati mpya katika mtaa huo miezi miwili iyopita.

Bi Christina Felix moja ya wananchi waliofika zahanati hapo kupata huduma ameileza Kamati ya Huduma za uchumi , Afya na Elimu ya Manispaa hiyo amesema kabla ya Zahanati hii wananchi tulikuwa tunapata huduma za afya katika zahanati ya Ndumbwi iliyopo  Wilaya ya kinondoni ambapo kufika huko kwa njia ya Pikipiki ni shilingi 3000 kwenda na kurudi

"Serikali imefanya vizuri kujenga zahanati  hii na sasa imeanza kutoa huduma ,tunashukuru sana kwani tunauhakika wa kupata huduma karibu na kwa gharama nafuu kwani hapa ni katikati" 

Akizungumza wakati wa ziara hiyo  tarehe 21 oktoba,2023  Mwenyekiti wa kamati hiyo Kreluu amesema kuwa, hatua ya kuanza kutoa huduma kwa zahanati hii ni kutafsiri kwa vitendo dhana ya Serikali ya awamu ya sita ya kuhakikisha wananchi wanasogezewa huduma karibu na makazi yao.

Klerru Thomas ameeleza kuwa "Kwa sababu hii Zahanati ni Mpya, napenda kuwatangazia wananchi wote wa Mtaa huu kuwa zahanati yenu imeanza kutoa huduma, njooni tuwahudumie,Mwambie rafiki yako amwambie rafiki yake kuwa Zahanati yetu imeanza kutoa huduma"

Pamoja na kujenga zahanati ya Kinzudi lakini pia Manispaa imejenga zahanati za Temboni na Msingwa katika kata ya Msigani, kupandisha hadi zahanati za Amani, Mpigi magohe na Makuburi kuwa na hadhi ya vituo vya afya.

Kamati pia imetembelea Mradi wa ujenzi wa Shule  mpya ya Msingi kibamba na  shule mpya ya  Sekondari Ubungo NHC ambazo zinatarajiwa kusajiwa mwishoni mwa mwezi huu.

Wajumbe  wa kamati ya huduma za uchumi,Afya na Elimu wakiwa katika ziara ya ukaguzi wa miradi