UBUNGO YAZINDUA RASMI WIKI YA HUDUMA KWA MTEJA KATIKA KITUO CHA AFYA GOBA

Posted on: September 2nd, 2024

Halmashauri ya Manispaa ya Ubungo kupitia Idara ya Afya, lishe na Ustawi wa Jamii imezindua rasmi wiki ya huduma kwa mteja katika kituo cha afya Goba lengo ikiwa ni kuongeza tija na ubora wa utoaji huduma za afya katika Manispaa hiyo.

Wiki hiyo ambayo imezinduliwa rasmi Septemba 2, 2024 na Diwani wa Kata ya Goba Bi. Esther Ladislaus Ndoha imeenda sambamba na utoaji wa huduma za kiuchunguzi, matibabu na elimu ya masuala ya lishe na ustawi wa jamii kwa haraka na utalaam wa viwango vya juu.

Akizungumza wakati wa uzinduzi huo, Diwani wa Kata ya hiyo Bi. Ndoha, amesema kuwa, maadhimisho ya wiki ya huduma kwa wateja “Customer Service Week” ambayo yatahitimishwa tarehe 6/9/2024 yataongeza chachu ya kuhudumia wateja, kuongeza ufanisi na kuwataka watumishi na wahudumu wa Afya kutoa huduma zinazoendana na maadili yao ya kazi huku akisisitiza wananchi kutumia kituo hicho kupunguza msongamano katika hospitali zingine.

Katika hatua nyingine amekiomba kitengo cha Ustawi wa Jamii, kuongeza kasi ya utoaji wa elimu ya ukatili kwa ujumla ili kupunguza matukio hayo yanayoendelea katika jamii sambamba na Wazazi na walezi kutokuwa na kigugumizi pale wanapoona viashiria au dalili za ukatili jwa watoto ili hatua stahiki ziweze kuchukuliwa haraka.

Kwa upande wake Mganga Mkuu wa Manispaa hiyo Dkt. Tulitweni Mwinuka amesema Idara ya Afya kwa kushirikiana na Mkurugenzi wa Manispaa, Wizara ya Afya, Lishe na Ustawi wa jamii imedhamiria kuboresha huduma kwa wateja wake hususani wale wa nje (OPD) kupata huduma ndani ya masaa matatu.

Aidha, amempomgeza Rais Samia Suhuhu Hassan kwa jitihada zake za kuwekeza kwenye miundombinu ya vituo vya kutolea huduma za afya zikiwemo Hospitali, Vituo vya afya, Zahanati, Upatikanaji wa Vifaa tiba na dawa kwa asilimia mia moja hali iliyoboresha zaidi huduma za afya kwa wananchi kwani changamoto ya msongamano imepungua sana

Mmoja wananchi aliyepata huduma kupitia siku ya uzinduzi , Odeta January Kagoma ambaye ni mama wa kwanza kupata huduma ya kujifungua katika katika kituo hicho, yeye ameushukuru uongozi na serikali kwa kupatiwa huduma hiyo akiwa ni mtu wa kwanza ta