UHURU WA KIFEDHA KUPUNGUZA UKATILI WA KIJINSIA

Posted on: November 4th, 2023

Mkuu wa Mkoa wa Dar Es Salaam Mhe. Albert Chalamila amewata 

wanawake wa Mkoa huo kujikita katika shughuli za kuwaongezea kipato ili kuepukana na vitendo vya ukatili dhidi yao vinavyo kusabishwa na umasikini wa kipato kwa wanawakr wengi.

Mhe. Chalamila ameyasema hayo kwenye sikukuu ya kujipongeza na kupeana elimu ya uchumi kwa wanachama wa vikoba  20 vyenye wanachama 800 kata ya Goba Wilaya ya Ubungo vilivyo chini ya mwamvuli wa Zuia rushwa Vikoba group na kueleza kuwa vikoba ni moja ya eneo linalowafanya wanawake wengi kujikwamua kiuchumi na kuwa na uhuru wa kifedha.

"Kuna dharau na maumivu makali sana kwa mwanamke asiyekuwa na kipato, masononeko unayoyapata yabadilishe kuwa fursa ya kutafuta fedha kihalali" amesema Mhe. Chalamila

Ameendelea kuwataka wanawake hao ambao tayari wamepata elimu ya kujikwamua kiuchimi kupitia vikoba hivyo, kuwa walimu wa wanawake wenzao ambao wanamekata tamaa na kuamua kutumia  njia za mkato kupata fedha ikiwemo ukahaba kwani madhara yake ni makubwa ambapo baadhi wanapoteza maisha.

Aidha, pamoja na mafanikio ya kiuchumi na kuwa na uhuru kifedha, Wanawake hao wamepewa tahadhari kuwa uwezo huo wa kifedha uwafanye wajiamini kiuchumi na sio kukosa heshima kwa waume zao nanhivyo kuathiri ustawi wa familia na si vinginevyo.

Kwa upande wake  Mkuu wa Wilaya ya Ubungo Mhe. Hashim Abdallah Komba amewapongeza wavikoba hao na kusema kuwa kupitia hafla hiyo amejifunza kuwa wanaume pia wanaweza kujiunga na vikoba tofauti na dhana iliyozoeleka kuwa vikoba ni vya wanawake pekee.