UPUNGUFU WA DAMU KWA WAJAWAZITO NI HATARI, MKATOE ELIMU

Posted on: March 20th, 2024

Mratibu wa Afya ya Uzazi na Mtoto Manispaa ya Ubungo Rehema Panga amewasisitiza wauguzi kuhakikisha wanawapa elimu wakina mama wajawazito wanapo kwenda kliniki kuzingatia vyakula na dawa za kuongeza damu kwa ajili ya kusaidia  kuepukana na vifo vya mama na mtoto wakati wa kujifungua

Panga amesema hayo  tarehe 20 March, 2024  ikiwa ni siku ya mwisho ya  mafunzo kwa Wauguzi, maafisa Ustawi na maafisa lishe kuhusiana na mikakati ya kupunguza ongezeko la Utapia mlo, kifua kikuu na Ukatili wa kijinsia kwa watoto

Panga amesema kuwa, katika kuhakikisha vifo vya mama na mtoto  vinapungua ni lazima wauguzi katika vituo vya afya  kuhakikisha wanafatilia kwa ukaribu wajawazito wote wanaokutwa na changamoto ya upungufu wa damu na maradhi mbalimbali wanapoenda kliniki ili  kuokoa maisha ya mama na mtoto aliye tumboni

"Upungufu wa damu ni hatari ni jukumu la kila mama kuhakikisha anazingatia dawa wanazopewa kliniki kwa ajili ya kuongeza damu" amesisitiza Panga

Aidha, Afisa lishe Manispaa ya Ubungo Beatrice Mossile aliongezea kwa kuwasisitiza  wauuguzi kuhakikisha wanawasisitiza wajawazito kula vyakula vinavyosaidia katika ujauzito wake kwaajili ya kuboresha makuzi ya mtoto aliyetumboni pamoja na afya ya mama.

"Ni muhimu mjamzito na mama anayenyonyesha kupata lishe bora" amesisitiza Mossile

Mossile amezungumzia pia elimu ya mama anayenyonyesha na kuwasisitiza Wauguzi na Maafisa Ustawi wanapokuwa katika jamii watoe elimu ya umuhimu wa maziwa ya mama kwa mtoto ili jamii ielewe umuhimu wa maziwa ya mama kwa afya ya mtoto ikiwemo kumkinga mtoto na maradhi.

Na pia Mossile amesisitiza swala la unyonyesha wa watoto maziwa ya mama na  wanapoanza kula wapewa vyakula kufuata mlo kamili na umri wa mtoto.