USTAWI WA HALI YA LISHE MANISPAA YA UBUNGO WAZIDI KUIMARIKA KWA ROBO YA TATU KWA MWAKA WA FEDHA 2022/2023.

Posted on: May 10th, 2023

Mapema leo Mei 10, 2023 kamati ya lishe Manispaa ya Ubungo imewasilisha taarifa ya utekelezaji wa mkataba wa Lishe kwa viashiria vya upimaji kutokea mwezi Januari mpaka Machi 2023.

Akiwasilisha taarifa hiyo Afisa Lishe wa Manispaa ya Ubungo Ndg. Beatrice Mossile amesema kuwa hali ya lishe katika shule mbalimbali za msingi na sekondari kwa Manispaa ya Ubungo imezidi kuimarika kufuatia kuongezeka kwa afua mbalimbali za Lishe pamoja na kuongeza mafunzo ya Lishe kwa walimu na maafisa mbalimbali katika ngazi ya kata na mitaa.

Katika kipindi cha robo ya tatu kutoka mwezi Januari hadi machi 2023 ugawaji wa Madini ya chuma kwa wakina mama wajawazito umefikia asilimia 99.4 na utoaji wa elimu ya ulishaji kwa watoto wenye umri wa kuanzia miezi 0 - 25 umefikia asilimia 100

Aidha akiongezea katika taarifa yake, Mossile amesema kuwa Manispaa ya Ubungo imetoa jumla ya shilingi 22,598,221 sawa na asilimia 83.7 kati ya shilingi 27,003,1000 iliyokuwa imepangwa kwaajili ya utekelezaji wa afua mbalimbali za Lishe

"Kwa kipindi hiki cha robo ya tatu ya mwaka wa fedha 2022 /2023 Manispaa ya Ubungo imefanikiwa kutoa fedha za afua za lishe hali iliyopelekea kutekeleza vizuri mikakati ya kuboresha hali ya lishe hasa mashuleni"

Kwa upande mwingine bado kuna changamoto kwa baadhi ya shule kutokupata chakula mashuleni hali inayopelekea kuathiri ustawi wa lishe na afya kwa wanafunzi hao. Miongoni mwa shule hizo ni pamoja na shule ya sekondari Makurumla, Shule ya sekondari Mpiji Magoe pamoja na shule ya sekondari Mugabe

Nae Mkurugenzi wa Manispaa ya Ubungo Ndg. Beatrice Dominic ameendelea amesisitiza kuendelea kutafuta suluhisho kwa changamoto hizo ili kuongeza hali ya lishe kwa shule zote za msingi na sekondari za Manispaa ya Ubungo

Vile vile Beatrice amesisitiza umuhimu wa idara mtambuka na lishe kushirikiana pamoja kwenye utekelezaji wa mipango mbalimbali ya lishe mashuleni na kwenye jamii ili kurahisisha uandaaji wa taarifa na kufikia malengo ya kuboresha ustawi wa lishe mashuleni na kwenye jamii kwa ujumla ndani ya Manispaa ya Ubungo.