UWEKEZAJI WA ZAIDI YA BILLIONI 260 KUFANYIKA UBUNGO

Posted on: September 18th, 2021

Waziri wa Biashara na Viwanda Mhe.Kitila Mkumbo ambaye pia ni Mbunge wa Jimbo la Ubungo   tarehe 18/9/2021 amepokea taarifa ya mradi wa ujenzi wa Kituo Cha Biashara na Vifaa vya Afrika Mashariki ambao kampuni ya shangai  linghang Group itaufanya katika eneo la Ubungo ambapo  stendi ya zamani ya mabasi ilikuwepo

Akisoma  taarifa ya mradi  mbele ya viongozi wa mbalimbali wa serikali  Director wa Kampuni shangai Linghang Cath Wang alisema kuwa kampuni hiyo ya kichina   inategemea kufungua Kituo Cha Biashara na Vifaa vya Afrika Mashariki ambacho kitatoa huduma  kwa watanzania wote na kutengeneza fursa mbalimbali kwa watanzania

Aliendelea kwa kusema  kuwa ujenzi wa  mradi huo utakamilika kwa muda wa miezi 15 na Utakuwa na gharama zaidi ya  billioni 260 za kitanzania na utakapomalizika unaweza  kutengeneza fursa ya ajira kwa takribani watu elfu 20 pia  kusaidia halmashauri kuweza kukusanya  mapato na kuwa kivutio katika Wilaya  ya Ubungo kwa ukubwa na ubora wake

Aidha kitila amesema kuwa ni mradi ambao utakuwa na tija na manufaa kwa watu wa Ubungo na watanzania kwa ujumla kwa kuweza kurahisisha upatikanaji wa huduma hata kuleta manufaa kwa serikali na hasa katika ukusanyaji wa mapato ambao halmashauri itaenda kunufaika

Aliendelea kwa  kuwapongeza na kuwaasa kampuni hiyo kuzingatia vigezo ambavyo viongozi mbalimbali  waliweza kuvisema ili kuleta maboresho katika taarifa yao waliyoisoma ikiwemo uzingatiaji wa vigezo vilivyotolewa

Aidha mkurugenzi wa Manispaa ya Ubungo Beatrice Dominic  ameishuru kwa kampuni hiyo ambayo inaenda kutengeneza fursa kwa Wana Ubungo na pia Manispaa kuongeza mapato yake kupitia mradi huo