"VIFO VYA MAMA NA MTOTO VIISHE NA IWE HISTORIA" ~ BODI YA AFYA UBUNGO

Posted on: January 8th, 2025

Wajumbe wa Bodi ya Afya Manispaa ya Ubungo wamewataka watumishi wa idara ya afya walioko katika vituo vya afya na hospitali  kuendelea kutoa huduma nzuri na kwa weledi sambamba na kutoa elimu kwa wajawazito wanapofika Kliniki ili waweze kuokoa maisha yao na watoto wao kipindi Cha kujifungua.

Hayo yameleezwa  Januari 8, 2025  baada ya taarifa ya idara ya afya, lishe na ustawi wa jamii kwa robo hiyo kusomwa na kuonesha idadi ya watoto wafu waliozaliwa ni 31, vifo 4 na Vifo vya wazazi 3.

Wakijadili taarifa ya robo ya kwanza ya afya ya Septemba mpaka Disemba  kwa mwaka wa Fedha  2024/2025, Wajumbe hao walisema kuwa kwa idadi hiyo wakunga wakipambana kutoa elimu na kuendelea kutoa huduma ka weledi Ubungo inaenda kuondokana na vifo vya mama na mtoto na hivyo itakuwa historia.

Kupitia taarifa hiyo idara ya afya ,lishe na ustawi wa jamii wameweza kutoa mafunzo kazini ya ufuatiliaji wa uchungu ambayo yamefanyika kwa watoa huduma 62 wa vituo vya Serikali na binafsi vinavyotoa huduma ya uzazi salama.

Aidha,Wajumbe wamesisitiza suala la usafi katika masoko uongezeke ilikuepukana na magonjwa ya mlipuko ambayo yanaweza kutokea.

Kuhusu utoaji wa chakula kwa wanafunzi mashuleni wamemtaka afisa lishe kusimamia jambo hilo kwa kila Shule ili liweze kutekelezwa na wanafunzi waweze kupata chakula.

Nae, Mganga mkuu Manispaa ya Ubungo Dkt.Tulitwene Mwinuka amewataka wajumbe kuendelea kuchukua tahadhari na kutoa elimu kwa umma kuendelee na kujilinda na magonjwa ya mlipuko ambapo amewataka kuhakikisha muda wote Wana nawa mikono kwa maji tiririka na kuchukua tahadhari.