VITUO BINAFSI VYA KUTOLEA HUDUMA ZA AFYA VYA KUMBUSHWA KULIPA USHURU WA HUDUMA

Posted on: November 13th, 2023

Wamiliki wa vituo binafsi vya kutolea huduma za afya Manispaa ya Ubungo zikiwepo zahanati, vituo vya afya, kliniki na hospitali wakumbushwa kulipia ada ya ushuru wa huduma ‘service levy’

Hayo wamelezwa  tarehe 13/11/2023 na Mkurugenzi wa Manispaa hiyo Ndg. Elias Ntiruhungwa walipokuwa kwenye kikao kilichofanyika katika ukumbi wa mikutano wa Manispaa hiyo chenye lengo la kuelezana masuala mbalimbali ya vituo binafsi vya kutolea huduma za afya.

Ntiruhungwa ameendelea kueleza kuwa kwa mujibu wa sheria ndogo ya Manispaa ya mwaka 2022 kifubgu cha 6(1) na cha 16 imeelekeza kila mfanyabiashara anaepaswa kulipia ada ya ushuru wa huduma namna anapaswa kulipa ushuru huo.

Akifafanua Ndg. Graham J Makundi Afisa mapato wa Manispaa hiyo ameeleza ada ya ushuru wa huduma kwa vituo vya kutolea huduma za afya inapatikana kwa kuchukua asilimia 0.3 ya mapato ghafi yote, na inalipwa mara nne kwa kila robo mwaka yaani Julai - Septemba, Oktoba - Disemba, Januari - Machi na Aprili - Juni.

Kwa upande wake Feda Mwacha Afisa Biashara wa Manispaa hiyo amewataka Wamiliki hao sambamba na kulipia ada ya ushuru wa huduma pia wanapaswa kulipia leseni za biashara zao kwa kutumia mfumo mpya wa mapato Tausi.

Feda ameendelea kueleza kuwa wakati wa kulipia leseni za biashara wamiliki hao wanapaswa kuwa na NIDA namba zao, TIN, Mkataba wa pango la vituo vyao kwa waliopanga na wasiopanga watumie risiti zao za malipo ya umeme au bili ya maji pamoja na kibali cha wizara ya afya na BRELA kwa wenye makampuni ili kuwawezesha kujisajili kwenye mfumo huo kabla ya kulipia leseni zao.

Nae Mganga Mkuu wa Manispaa hiyo Tulitweni Mwinuka amewataka wamiliki hao kuhuisha leseni zao pamoja na kulipia ada ya ushuru wa huduma sambamba na kuzingatia sheria kanuni na taratibu za masuala ya afya kwenye vituo vyao.

Pichani ni wamiliki wa vituo vya binafsi wakipewa elimu ya mlipa kodi