VITUO VYA AFYA UBUNGO VYAPONGEZWA

Posted on: February 12th, 2024

kiwa ni siku ya mwisho ya kikao Cha tathimini ya Idara ya afya,Ustawi wa jamii na lishe Manispaa ya Ubungo pongezi zimetolewa kwa vituo vya afya vya serikali na binafsi vilivyofanya vizuri kwa kipindi Cha miezi sita kuanzia julai hadi disemba 2023

Pongezi hizo zimetolewa  tarehe 12 februari, 2024 na Mgeni rasmi ambaye pia ni Mwenyekiti wa bodi ya Afya Manispaa ya Ubungo Ndg Allen Sempori  na kuwataka wale wote waliofanya vizuri mpaka kupata vyeti vya pongezi jitihada ziendelee ikiwemo huduma nzuri kwa wananchi wanapotoa huduma kwenye vituo vya afya na wale waliokosa waongeze bidii ya utoaji  mzuri wa huduma na usimamizi wa vituo.

Aliendelea kwa kueleza kuwa huduma nzuri kwa jamii inasaidia kuleta matokeo chanya kwa Taasisi hasa kwa  kuhakikisha jamii inapokea na kufurahia huduma zinazotolewa katika vituo

"Tuzingatie maadili na weledi kazini,huduma nzuri inaonekana na kila mmoja atatamani mara kwa mara kuja kupata huduma katika kituo kinachotoa huduma nzuri" alisisitiza Sempori

Akiongea Mganga Mkuu Manispaa ya Ubungo Dkt.Tulitweni Mwinuka amepongeza vituo vyote vilivyofanya vizuri na kuwataka kuendelea kufanya kazi kwa weledi kwani jitihada hizo ni kwaajili ya Manispaa na pia inaonyesha huduma ambazo jamii inazipata ni nzuri

"Nitoe pongezi kwa vituo vya Serikali na binafsi kwa jitihada za kuhakikisha utoaji wa huduma bora unaondelea kufanyika" alisema Mwinuka

Mwinuka amesisitiza zoezi ambalo linaendelea la utoaji wa chanjo ya Surua na  Rubela  kwa watoto walio chini ya miaka mitano kuanzia umri wa miezi tisa mpaka miaka 5  kila kituo kikasimamie vizuri na elimu ikatolewe kwa jamii kuhusu umuhimu wa chanjo hiyo kwa watoto

Aidha, Vituo vilivyopata vyeti vya pongezi ni pamoja na Sinza Hospital,Kimara kituo Cha Afya, Kituo Cha Afya Mbezi, Zahanati ya Amani, Kituo Cha Afya Makurumla, Hospitali binafsi ya Bochi, Hospital ya Edward Michaud, Zahanati ya Goba,Hospital ya Wilaya ya Ubungo na Kituo Cha Afya St.Monica.