VITUO VYA AFYA, ZAHANATI NA HOSPITALI MANISPAA YA UBUNGO ZAPONGEZWA

Posted on: August 10th, 2023

Ikiwa ni siku ya pili ya hitimisho la kikao kazi cha tathmini ya mwaka ya utekelezaji wa mpango kazi wa Idara ya Afya, ustawi wa jamii na lishe kwa mwaka 2022/2023. Pongezi zimetolewa kwa vituo vya afya , zahanati na hospitali za serikali na binafsi  zilizofanya vizuri kwa mwaka huo.

Akitoa Pongezi hizo Kaimu  Mkurugenzi Ndg. Vosta Mgina amewapongeza kwa utoaji mzuri wa huduma kwa wananchi katika vituo  ya afya na kuwaomba  kuendelea kujali afya za watu na kufanya kazi kwa uweledi.

"Kila mmoja atimize wajibu wake anapokuwa katika kituo chake cha kazi" alisisitiza Mgina

Aidha, Mganga Mkuu Manispaa ya Ubungo Dkt.Tulitweni Mwinuka amesema kuwa kuna vituo ambavyo vimeonesha ubunifu mkubwa na kusimamia vyema ukusanyaji wa mapato vinastahili kupewa zawadi ili viendelee na ubunifu zaidi.

Aliendelea kwa kusema kuwa "wote tunafanya vizuri ila kuna wanaofanya vizuri zaidi na wanastahili kupongezwa na niendelee kuwasisitiza kuendelea kufanya kazi kwa bidii"

Nae Mwenyekiti wa Bodi Ndg. Allen Sampoli alisema kuwa niwapongeze kwa  kufanya kikao hiki kwani kinalenga kuangalia maendeleo na changamoto mbalimbali za vituoni  ambapo kama Idara itatakiwa kuyafanyia kazi ili kuleta matokea chanya na pia ni wape pongezi  kwa kupewa cheti cha hati safi katika utoaji wa  huduma nzuri.

Hali kadhalika, Zoezi la utoaji wa vyeti vya pongezi kwa vituo Mahili vilivyofanya vizuri kwa mwaka wa fedha 2022/2023 zimetolewa kwa Hospitali ya Sinza na Ekenywa na vituo vya afya ni Mbezi na Kimara na pia  Zahanati ya Goba, Msewe,Mabibo, Kibwegere na Mburahati.

Mganga mkuu amewashukuru wadau mbalimbali wanaoshirikiana vyema na Halmashauri katika utoaji  wa huduma ambao ni PASADA, MDH,UNTOLD,STEPSTANZANIA