WAJUMBE KAMATI YA HALMASHAURI KUU YA CCM WILAYA YA UBUNGO WAPOKEA TAARIFA YA UTEKELEZAJI WA ILANI

Posted on: September 29th, 2024

Tarehe 29/9/2024 wajumbe wa kamati ya Halmashauri kuu ya CCM Wilaya ya Ubungo wamepokea taarifa ya utekelezaji wa Ilani kwa  kipindi cha miezi sita kuanzia  Januari mpaka Juni 2024 ambapo  jumla ya shilingi zaidi ya  bilioni 100.4 zimetumika katika utekelezaji wa miradi ya maendeleo katika Sekta ya Afya, Elimu, Miundombinu ya  barabara na Maji

Akiwasilisha taarifa hiyo Mkuu wa Wilaya ya Ubungo Mhe. Hassan Bomboko amesema kuwa Serikali imetekeleza miradi isiyopungua kiasi cha shilingi bilioni 100.4 ambazo zimetumika kuboresha na kujenga miradi mbalimbali ya maendeleo na katika sekta  ya afya bilioni 11 imetumika katika ujenzi wa zahanati, vituo vya afya, hospitali na ununuzi wa vifaa tiba

Aliendelea kueleza katika Sekta ya elimu ya Msingi na Sekondari  zaidi ya  bilioni 29 zimetumika kwa ajili ya ujenzi wa madarasa na ununuzi wa madawati ,viti na meza.

Na katika miundombinu ya barabara bilioni 11 imetumika na katika sekta ya maji bilioni 10  fedha hizo zote zimetolewa na Serikali na zimesimamiwa vizuri na  utekeleza umefanyika.

Aidha, aliendelea kwa kusema kuwa Kupitia mapato ya ndani kiasi cha shilingi Bilioni 1.8 zilitengwa kwa ajili ya ukarabati wa barabara za  mitaa  ambapo kila mtaa utapata kiasi cha shilingi  milioni 20 na Wilaya ya ubungo ina jumla ya mitaa 90

Akipokea taarifa hiyo Mwenyekiti wa chama cha mapinduzi wilaya ya ubungo Mhe. Rogat Mbowe ameipongeza Ubungo kwa kutekelezaji mzuri wa miradi ya maendeleo ambapo miradi mingi inaonekana na wananchi wanaendelea kuitumia ikiwemo miradi ya afya

Mwenyekiti Mbowe aliendelea kuwataka viongozi wa ubungo kuendelea  kusimamia vyema utekeleza  wa ilani kwa vitendo.

Na pia Mhe. Mbowe amewataka wananchi kujitokeza kwa wingi katika  uchaguzi wa viongozi wa serikali za mtaa utakaofanyika mwezi  Novemba  ili kuchagua viongozi walio bora ambao watasaidia kuleta maendeleo

Na pia wajumbe wamepongeza utekelezaji wa ilani na kuwasirisha mapendekezo mbalimbali ambayo yalipokelewa kwaajili ya utekelezaji