WAJUMBE KAMATI YA RUFANI UCHAGUZI WA S/M WAPIGWA MSASA

Posted on: November 4th, 2024

Wajumbe wa Kamati ya Rufani Halmashauri ya Manispaa ya Ubungo wamepata mafunzo elekezi na kula kiapo cha utii, uadilifu ,uaminifu na  kutunza siri ili kuhakikisha wanatenda haki  wakati wa kushughulikia rufaa zote zinazohusu  uchaguuzi wa Serikali za Mitaa unaotarajiwa kufanyika novemba 27, 2924

.

Tukio hilo limefanyika Novemba  4, 2024 katika ofisi ya Msimamizi wa uchaguzi wa Serikali za Mitaa mbele ya Hakimu William Julius Kaaya ambapo wamesisitizwa kuzingatia viapo hivyo wakati wa kutekeleza jukumu hilo muhimu.

Nae, Msimamizi msaidizi Bi Kissah mbila amewamesisitiza wajumbe hao kuwa na mshikamano katika kushuhulikia  rufaa zitakazowasilishwa kwa kuzingatia Sheria,Kanuni,  miongozo na taratibu zote za Uchaguzi wa Serikali za Mitaa 2024.

"Mkatumie nafasi zenu vizuri katika kushughulikia masuara ya rufaa ili zoezi  la uchaguzi liende vizuri  na kwa haki ."alisema Mbila

Aidha, Kissah  amewasisitiza wajumbe kupitia kanuni za Uchaguzi wa Serikali za Mitaa kwa lengo la kuwa na uelewa wa kutosha juu ya kanuni za uchaguzi ili kutoa maamuzi bora yenye tija na kudumisha amani,upendo na mchakato bora wa uchaguzi.

Akitoa ufafanuzi kuhusu kiapo,Hakimu  William amesisitiza kila mmoja akiishi kiapo hicho katika utekelezaji wa majukumu yao ikiwa ni pamoja na kufanya kazi kwa uadilifu ili kutenda haki