WAJUMBE WA MABARAZA YA KATA WAPIGWA MSASA NAMNA BORA YA KUENDESHA MABARAZA KATIKA KATA ZAO

Posted on: May 6th, 2021

Mafunzo hayo yametolewa  tarehe 6 mei 2021 katika ukumbi mikutano  wa Manispaa ya Ubungo  uliopo luguruni  yakiwa na lengo la kuwaelimisha wajumbe namna ya kuendesha mabaraza katika kata zao wakizingatia sheria na kanuni ambazo zitasaidia katika uendeshaji wa mashauri na utoaji wa hukumu

Wakati wa  mafunzo hayo Mwezeshaji Demetria Kabera ambaye pia ni mwanasheria wa Manispaa ya ubungo aliwasomea wajumbe  muundo ambao unastahili kutumika na akidi ya wajumbe kutimia kwa kuzingatia sheria namba 7 ya mwaka 1985 sura ya 206  inayotaka wajumbe wa baraza hilo wasipungue wa 4 na wasiozidi 8 ili kutekeleza shughuli za baraza kwa ufanisi

Aliendelea kwa kusema kuwa dhumuni la mabaraza hayo katika kila kata ni kuleta amani na usuluhisho wa matatizo  kwa wanachi ambao mnawahudumia.

Nae mwezeshaji kutoka ofisi ya mwekahazina  wa Manispaa ya ubungo  Esau Hosiana aliwapiga msasa wajumbe katika swala zima la  tozo za ukusanya wa mapato ambazo mabaraza ya kata yanahusika ilikukusanya mapato ya serikali

Aliendelea kwa kusema kuwa  "ni vyema tozo ambazo zinatakiwa kukusanywa zijulikane na tozo hizo lazima ziwe katka muhtasari ambao utawaongoza wajumbe" alisisitiza MwekahazinaSambamba na hayo hakimu mfawidhi wa mahakama ya mwanzo  kimara Ndg. Furutuni Hamisi Aliwataka wajumbe kufuata taratibu na kuzingatia mashauri yenye haki kwa wananchi wao wanapotatua migogoro na bila kupendelea kwa kutoa haki kwa kila mtu

NB.mafunzo hayo yatafanyika siku mbili, leo jimbo la ubungo na kesho wajumbe wa jimbo la kibamba