WAKUSANYA TAARIFA ZA ANWANI ZA MAKAZI WAPEWA MAFUNZO ELEKEZI.

Posted on: February 26th, 2022

Waliopata kazi ya muda ya kukusanya taarifa za Anwani za makazi wametakiwa kwenda kufanya kazi hiyo kwa weledi , ufanisi na haraka katika zoezi hilo adhimu la Kitaifa.

 Hayo yalisemwa na Mkuu wa Wilaya ya Ubungo Mhe. Kheri James wakati akifungua mafunzo hayo leo tarehe 26/02/2022 katika ofisi ya Mkurugenzi na kuwasisitiza kuwa nafasi waliyooipata waitumie vizuri kwani wengi walitamani kupata nafasi hiyo.

Aidha James amewataka waandikishaji hao kuzingatia maadili ya katika utekelezaji wa kazi hiyo wakiwemo Viongozi na wananchi pindi watakapotembelea nyumba za Wananchi sambamba na  Kupokea maelekezo ya Viongozi

Wamekumbushwa kutumia lugha nzuri wakati wa kuongea na Wananchi katika  kuwaelewesha juu ya dhamira, malengo na namna ya kufanikisha zoezi hili muhimu nchini.

“Ni haki ya mwanachi kukudadisa ili aweze kupata taarifa za kumlidhisha  na kukupa ushirikiano hivyo nendeni kwa nidhamu.” Alisema Mhe. James.

Nae Monica Medard Msugwa kwa niaba ya waandikishaji wengine amesema wamepokea maelekezo yote waliyopewa na Mkuu wa Wilaya na kuahidi kwenda kufanya kazi hiyo kwa weledi, ufanisi na haraka.