WALIMU WA MICHEZO UBUNGO WAPATIWA MAFUNZO ELEKEZI

Posted on: March 25th, 2024

Walimu wa michezo katika shule za msingi na sekondari  Manispaa ya Ubungo wamepatiwa mafunzo elekezi ya kuwajengea uwezo na mbinu mpya  za kufundisha michezo kwa kuzingatia kanuni na sheria mpya za ufundishaji wa michezo kwenye shule zao

Akizungumza wakati wa mafunzo hayo kwa vitendo yanayofanyika katika viwanja vya chuo kikuu cha St Joseph jijini Dar es salaam, Afisa michezo wa Manispaa hiyo Bi Wikansia Mwanga amesema mafunzo hayo yanatolewa kufuatia mabadiliko mengi katika sheria za ufundishaji na uchezaji wa michezo mbalimbali.

Mwanga aliendelea kueleza kuwa mafunzo hayo kwa walimu hao ni sehemu ya  maandalizi ya michezo ya wanafunzi wa shule za msingi na sekondari maarufu kama UMITASHUMTA na  UMISETA inayotarajiwa kufanyika mwezi june 2024 mkoani Tabora.

Mwanga amesema " Ni matumaini yangu baada ya mafunzo haya, walimu watakuwa na uwezo wa kufundisha michezo  wanafunzia kwa ufanisi mkubwa  na hivyo kupata timu bora zitakazoshiriki mashindano yao kuanzia ngazi ya Wilaya hadi Taifa" 

 Mafunzo hayo yaliyofanyika kwa muda wa siku mbili kuanzia tarehe 23 na 24 machi, 2024 yameshirikisha walimu 50 wa michezo kutoka  shule  za serikali na binafsi  sekondari na Msingi

Wakiongea kwa nyakati tofauti, walimu hao wameipongeza Manispaa kwa kuendesha mafunzo hayo ambayo yatakuwa chachu kwa waaalimu wa michezo kufundisha wanafunzi kwa ufanisi na hivyo kuandaa timu bora hasa kwenye mchezo wa Pete "Netball" na "volleball"

Michezo ya wanafunzi kwa shule za msingi na sekondari  kitaifa  kwa mwaka huu 2024 itafanyika Mkoani Tabora kuanzia mwezi Juni.