WALIMU WAJENGEWA UWEZO KUHUSU LISHE,WASISITIZWA KUTOA ELIMU KWA WANAFUNZI

Posted on: April 18th, 2024

Walimu wa maswala ya afya katika Shule za awali, Msingi na Sekondari wamejengewa uwezo wa namna ya kuwafundisha wanafunzi kuhusu lishe inayozingatia mlo kamili wenye makundi sita ya vyakula.

Akizungumza katika mafunzo hayo 18 april, 2024 yaliyofanyika katika ukumbi wa Manispaa ya Ubungo Katibu Tawala Wilaya ya Ubungo Mhe.Hassan Mkwawa amewasisitiza walimu kuhakikisha wanazingatia utoaji wa elimu kwa watoto kuhusu lishe inayozingatia makundi sahihi ya vyakula

Na pia Mhe.Mkwawa amewataka walimu kuhakikisha wanapotoa elimu ya lishe na wao pia wazingatie mashuleni vyakula vinavyotolewa vinazingatia makundi sahihi ya vyakula vitakavyomjenga mwanafunzi

"Lishe bora inasaidia mtoto katika makuzi yake anakuwa na uelewa mkubwa tofauti na mtoto anaepata lishe duni" alisisitiza Mkwawa

Aidha, Afisa lishe Manispaa ya Ubungo Beatrice Mossile aliendelea kuwajengea uwezo walimu hao na kusema kuwa, Mashuleni wanafunzi wanatakiwa kupewa elimu mara kwa mara hasa kwa watoto wanaoenda kubalehe wanastahili kufundishwa ulaji wa mbogamboga kwa wingi na matunda kwa sababu wanaelekea katika hatua ya ukuaji ambayo wasichana wengi wana balehe na mwili unahitaji kuwa na madini chuma kwa wingi

Mossile aliwafundisha pia juu ya Makundi sita ya vyakula ambavyo ni 1.vyakula vitokanavyo na nafaka, mizizi na ndizi za kupika 2.vyakula vya jamii ya mimea/mikunde 3.vyakula vyenye asili ya wanyama 4. mboga mboga 5. matunda 6. Mafuta sukari na asali

"Epukeni kula chunvi nyingi si salama kwa afya, chunvi itumike kidogo na chunvi isitumike wakati wa kula" alisisitiza Mossile

Na pia afisa kilimo Manispaa ya Ubungo Stela amewataka walimu kuwafundisha wanafunzi namna kilimo mjini kinavyoweza kuwasaidia katika kurahisisha maisha wanapokuwa majumbani kwa kulima mboga mboga ambazo hazitakuwa na gharama ya kununua

"Kilimo mjini ni muhimu watoto mashuleni wakipewa elimu wanaweza kutekeleza hilo, watoto wanatakiwa kula mboga mboga kwa wingi yaweza kuwa sio mboga za majani tu na matunda pia" alisisitiza Stela

Nae, Mratibu wa chanjo Manispaa ya Ubungo Hezron Msongole amewataka walimu kushiriki katika utoaji wa chanjo ya HPV