WAMILIKI WA DAY CARE NA WALEZI WAPEWA ELIMU KUHUSU LISHE, AFYA NA USTAWI WA JAMII

Posted on: June 17th, 2023

Mafunzo hayo yametolewa leo tarehe 17/5/2023 yenye lengo la kuwapa elimu walezi na wamiliki wa Day care kuhusu maswala ya lishe, Ustawi wa jamii na afya kwa ajili ya makuzi ya watoto mashuleni

Akitoa elimu kuhusu maswala ya lishe,  Afisa lishe wa Manispaa ya Ubungo Ndg. Beatrice Mossile, alizungumzia kuhusu ulaji usiofaa na mtindo wa maisha ambao huchangia kwa kiasi kikubwa magonjwa yasiyo ya kuambukiza sambamba na lishe duni katika umri mdogo kuchangia uwezekano wa kupata magonjwa sugu

Mossile, aliendelea kusisitiza  uzingatiaji wa Ulaji wa vyakula unaofaa wenye mchanganyiko wa virutubisho vyote, ulaji wa milo kamili mara tatu, kula matunda na mbogamboga kwa wingi kwa siku, kula vyakula vyenye makapi mlo kwa wingi, kuepuka kutumia vyakula vyenye mafuta, sukari na chumvi kwa wingi pamoja na kunywa maji safi na salama

Tujitahidi kula mlo kamili kwa kuzingatia makundi matano ya chakula na una virutubishi  vyote muhimu kwa ajili ya lishe na afya bora. ALiongeza mossile

Nae afisa Afya Manispaa ya Ubungo Ndg. Boniphase Katikiro alisisitiza uwepo wa maji safi katika vituo, uwepo wa vyoo safi na salama  na usafi wa mazingira na mtu binafsi katika vituo vya kulelea  watoto ili kuepukana na magonjwa.

"Mmepewa dhamana ya kukaa na watoto wanapokuwa mashuleni hakikisheni mazingira yana kuwa safi na salama" alisisitiza Afisa Afya

Halikadhalika, afisa ustawi Ndg. Zainabu Masilamba alizungumzia maswala ya ukatili wa kijinsia kwa watoto mashuleni kwa kuwaasa walezi na wasimamizi wa shule kuhakikisha wanazingatia malezi ya watoto hao sambamba na kufatilia watoto wetu wanaowazunguka nakuongea na wazazi wazingatie  kuzungumza na watoto mara kwa mara ili kujua kinachowapata au changamoto wanazopitia

@ortamisemi

@wizarayaafya

#ubungoyetufahariyetu

#ubungoyakibingwa

#ubungoupdates