WANAFUNZI WAASWA KUZINGATIA MASOMO NA MAADILI MEMA

Posted on: October 19th, 2023

Kamati ya kudhibiti Ukimwi Manispaa ya Ubungo imetembelea shule ya Sekondari Luguruni na Sekondari ya Kwembe na kuwasisitiza wanafunzi hao kuzingatia masomo na kuachana na tabia mbovu zitakazo sababisha kukosa haki zao za msingi ikiwemo elimu bora

Katika ziara hiyo iliyofanyika  tarehe 19 oktoba, 2023 Wajumbe waliwataka wanafunzi hao wazingatie maadili wanapokuwa shuleni kwa kufata kanuni, sheria na taratibu za shule na  kuwasikiliza walimu wao

Akizungumza na wanafunzi hao Mwenyekiti wa kamati hiyoMhe. Ismail Malata ambaye pia ni Diwani wa Kata ya Mbezi aliwasisitiza wanafunzi hao kuepukana na  watu wanaowalaghai kwa kuwapa vitu vidogo vidogo watawapa magonjwa ukimuona mtu wa hivyo mkimbie

Aliendelea kwa kuwapongeza kwa igizo zuri la unyanyapaaji na alisema  kuwa  nina imani wote mmejifunza umuhimu wa kuacha kumnyanyapaa mtu aliye na maambukizi ya Ukimwi.

"Someni mtapata kila mnachotaka" alisisitiza Malata

Aidha, Mjumbe wa kamati hiyo Mhe.Ismail Mvungi Diwani Kata ya Kimara aliwasisitiza wanafunzi hao kuhakikisha wanasoma kwa bidiii na wazingatie majukumu yao wanapokuwa shuleni na kuwasisitiza kuachana na mambo yasiyo ya muhimu

Nae,Mjumbe wa kamati hiyo ndg. Makdonadi Haule aliwasisitiza wanafunzi kujiunga katika club ya afya ambayo imeanzishwa shuleni hapo sambamba na kuachana na tabia ya kufata makundi ambayo sio sahihi

"Usiogope kumwambia mwalimu unapoona mwenzio anafanya vitendo viovu" alisisitiza Haule

Mwanafunzi Getrude Mirambwe alisoma taarifa ya Club ya afya ya  shule hiyo ambayo ina jumla ya wanafunzi 210 wasichana 114 wavulana 96 na kuwashukuru wajumbe kwa ujio wao na elimu waliyoitoa

Diwani wa kata ya Mbezi ambaye pia ni mwenyekiti wa kamati kudhibi ukimwi Manispaa ya Ubungo Ismail Malata akiongea na wanafunzi wa shule ya sekondari Luguruni na Kwembe wakati kamati hiyo ilipotembelea shule hizo