WANANCHI WATAKIWA KUACHA KUVAMIA MAENEO

Posted on: November 3rd, 2021

Naibu Waziri wa Ardhi, Nyumba na maendeleo ya Makazi Mheshimiwa Angelina Manila amewataka Wananchi kuacha kuvamia na kujenga nyumba kwenye mashamba  au maeneo wasiomiliki kwani hali hiyo inakwamisha mazoezi ya urasimishaji katika maeneo mengi

Naibu waziri alitoa kauli hiyo Novemba 03,2021  kwenye Mkutano wa kusikiliza na kutatua kero za  wananchi uliofanyika Mtaa wa Kwa Yusuph kata ya Msigani Manispaa ya ubungo na kusema kuwa  katika utaratibu wa urasimishaji ardhi eneo linalasimishwa mara moja ili lilasimishwe upya ni lazima hati ya awali ifutwe

"Kwa ubungo  changamoto hii ipo na inachangia Kwa kiasi kikubwa ucheleweshwaji wa  upangaji na upimaji wa maeneo hivyo ni lazima jambo hili lifanyike kazi Kwa wale walioko kwenye maeneo hayo ili kuyawezesha Makampuni kufanya kazi yake kwa wakati" alifafanua Mhe.Mabula

Aidha,  Naibu Waziri amekabidhi hati 32 za umiliki wa ardhi kwa wananchi wa Mtaa wa Kwa Yusuph na Malambamawili katika kata ya Msigani ikiwa ni mwendelezo wa kuhakikisha wananchi wanamilikishwa maeneo yao kisheria.

Ili kuhakikisha Mpango wa urasimishaji unakamilika ifikapo 2023, Serikali imefikia uamuzi wa kushirikiana na mabenki Kwa kuwakopesha  fedha wananchi  Kwa ajili ya kugharamia urasimisha wa  maeneo yao kutokana na wananchi wengi kutomudu gharama hizo ambapo Kwa sasa zoezi hilo linatekelezwa Wilaya ya mbalali Mkoani Mbeya.