WATENDAJI KATA NA MITAA WAIMIZWA KUSIMAMIA UKUSANYAJI MAPATO

Posted on: February 23rd, 2022

Watendaji  wa Kata na Mitaa wa Manispaa ya Ubungo wametakiwa kuhakikisha kila mfanyabiashara kwenye maeneo yao wanasajiriwa na analipa kodi  na tozo mbalimbali za TRA na  Halmashauri.

Watendaji wamekumbushwa jukumu hilo leo Februari 23, 2022 kwenye semina elekezi iliyoratibiwa na Mamlaka ya Mapato Tanzania TRA kwa kushirikiana na Halmashauri ya Manispaa ya Ubungo Lengo ikiwa ni kuwajengea uelewa kuhusu umuhimu wao katika kufanikisha kazi ya ukusanyaji wa mapato ya  TRA na  Halmashauri ambayo ndio Msingi wa utekelezaji wa shughuli za Maendeleo Kwa wananchi.

Akizungumza kwenye semina hiyo Afisa kutoka TRA Bi. Mercy ameeleza kuwa ili Serikali iweze kukusanya mapato ni lazima kila mfanyabiashara atambulishwe kwa kuwa na TIN namba itakayomwezesha kulipa Kodi na tozo zingine ikiwemo leseni, ushuru na tozo mbalimbali.

Wafanyabiashara  wote wanapatikana kwenye Mitaa  na Kata zenu hivyo ni wajibu kuwatambua na kujua anaelipa Kodi na asiyelipa hii itasaidia kurahisisha ufuatiliaji Kwa wale wanaokwepa Kodi.

 Mercy ameendelea kueleza kuwa semina hii inalenga kuongeza ushirikiano ili taasisi hizi ziweze kufikia malengo ya makusanyo yaliyopangwa kukusanywa Kwa kila chanzo.

Ni ukweli usiopingika kuwa Halmashauri na TRA bado hatujafikia malengo kwa maana baadhi ya Wafanyabiashara hawalipi Kodi Kwa kuwa hawajarasimisha biashara zao au kutofikiwa wakati wa ufuatiliaji ndio maana tumeamua kuunganisha nguvu kwa kuwahusisha Watendaji ili iwe rahisi kuwafikia.

Tambueni kuwa kila mfanyabiashara ambaye anafanya biashara kwenye  kibanda au ofisi ana wajibu wa kulipa kodi na tozo mbalimbali za Serikali.

Aidha, Watendaji wana wajibu wa kuwaelekeza Wafanyabiashara kuwa kila mwanzo mwa mwaka yaani January Hadi Machi wanatakiwa kwenda TRA kupata makadilio ya Kodi ili kuwezesha Halmashauri kuweza kutoa leseni na ushuru wa huduma hii itasaidia Serikali kukusanya mapato.