WATENDAJI WA KATA WAJENGEWA UWEZO KUHUSU MFUMO WA NEST

Posted on: May 16th, 2024

Watendaji wa kata Manispaa ya Ubungo mapema  tarehe 16 Mei, 2024 wamepewa mafunzo elekezi kuhusu mfumo wa Manunuzi wa Umma wa  NesT lengo likiwa ni kuwajengea uelewa zaidi juu ya matumizi ya mfumo huo

Mafunzo hayo yametolewa na wawezeshaji kutoka Mamlaka ya Udhibiti wa Manunuzi wa Umma (Public Procurement Regulatory Authority. (PPRA) pamoja na Mkuu wa kitengo Cha Ugavi Manispaa ya Ubungo.

Akitoa mafunzo hayo Veronica Fute Afisa Ugavi  kutoka PPRA amesema kuwa mfumo huo umekuwa na manufaa makubwa kwa manunuzi ya umma na wadau mbalimbali na pia kwa atakae kiuka na kufanya manunuzi kinyume na mfumo huo hatua kali za kisheria zitachukuliwa dhidi yake

Fute aliendelea kueleza kuwa, Ni wajibu kila mmoja kuutambua mfumo huu unvyofanya kazi na kuwataka  watendaji  kuwapa elimu wazabuni mbalimbali kujiunga na mfumo huu ambao utawawezesha inapotangazwa tenda kuomba na kufanya nao kazi

Nae Mkuu wa kitengo Cha Ugavi  Manispaa ya Ubungo Mvano Karumbete amewasisitiza watendaji kuzingatia mafunzo hayo yenye lengo la kuhakikisha kila mmoja anaepukana na matumizi ya fedha za Serikali nje ya mfumo wa Serikali.

Fedha za Serikali zinatakiwa kutumika kufanya manunuzi kwa kutumia mfumo wa Nest ni agizo na sio hiari ni lazima kila mmoja kuzingatia hilo.amesisitiza Karumbete

Akishukuru kwa niaba ya watendaji wote, mtendaji wa kata ya Mburahati amewashukuru wawezeshaji kutoka PPRA kwa mafunzo hayo na kuomba kuendelea kutoa ushirikiano zaidi na zaidi wanapoitaji mafunzo lengo ni kuendelea kuuelewa mfumo huo mpya wa Serikali unavyofanya kazi

Ikumbukwe kuwa NesT ni mfumo mpya wa Serikali  kwa ajili ya Manunuzi.