WATENDAJI WA KATA WAPEWA MAFUNZO ELEKEZI KUHUSU LISHE

Posted on: November 11th, 2021

Watendaji wa Kata Manispaa ya Ubungo   tarehe 11.11.2021 wamepewa mafunzo elekezi kuhusiana na maswala ya lishe na kuhimizwa kuwakumbusha watoa huduma ngazi ya Jamii kuendelea kutoa elimu Kwa jamii juu ya umuhimu wa lishe na afya 

Akitoa maelezo hayo Afisa lishe Manispaa ya Ubungo  Beatrice Mossile  amewasisitiza  watendaji hao  kuwa wanapaswa kuwasimamia watoa huduma ngazi ya Jamii na  maafisa afya waliopo katika  maeneo yao ili kuhakikisha shughuli zote  za Afya na usafi zinatekelezwa ipasavyo katika maeneo yao

Aliendelea kuwaeleza watendaji wa kata kuwa Maafisa Afya Wana  wajibu  wakutoa taarifa za utekelezaji  wa majukumu yao kwenye vikao vya kisheria hasa  maswala ya chanjo na  usafi wa mazingira 

Pia watendaji ni  wenyekiti wa kamati katika vitongoji na  kutekeleza kampeni za afya za kitaifa kimkoa na kiwilaya  dhidi ya magonjwa ya kuambukiza na usafi wa mazingira 

Aidha Afisa Afya Manispaa ya Ubungo Boniphase Katikilo aliwataka watendaji  kuendelea na zoezi la kuhamisha zoezi la utoaji wa chanjo katika kata linaloendelea  kuratibiwa ilikufikia lengo 

Kwa mujibu wa tafiti za magonjwa yanayosababisha vifo kwa kiasi kikubwa magonjwa yasiyoambukiza yanasababisha vifo kwa 71% dunia nzima