WATENDAJI WASISITIZWA KUFATA KANUNI,TARATIBU NA SHERIA ZA UTUMISHI WA UMMA

Posted on: March 4th, 2024

Watendaji wa Kata na Mitaa Leo tarehe 4 march, 2024  wamepatiwa mafunzo elekezi kuhusiana na misingi ya utumishi wa umma na kusisitizwa kuhakikisha wanafata na kuzingatia  kanuni,taratibu na Sheria za utumishi wa ummaMafunzo hayo yametolewa na wawezeshaji mbalimbali wakiwemo wakuu wa Idara na Vitengo na mwezeshaji kutoka TAKUKURU 

Akizungumza mwezeshaji kutoka Taasisi ya Kupambana na Kuzuia Rushwa(TAKUKURU)  Ndg.Peter Nyandindi amesema kuwa ni jukumu la kila mtumishi wa umma kuhakikisha katika eneo lake la kazi anaekuepukana na kupokea  rushwa na kufata kanuni,taratibu na Sheria za utumishi wa umma

"Kwa mtumishi kupokea rushwa ni hatari kwa kazi yake na mwisho wa siku uwezekano wa kupoteza kazi ni mkubwa hivyo ni jukumu la kila mmoja kuzingatia taratibu za kazi na kuacha kupokea rushwa" alisisitiza Peter 

Mwezesha wa pili ambaye ni Afisa utumishi Manispaa ya Ubungo Charles Uronu amezungumzia kuhusiana na mfumo wa ESS na kuwasisitiza kuhakikisha kila mmoja anajiunga na mfumo huo 

Nae, Mkuu wa Kitengo Cha Tehama Manispaa ya Ubungo Sophia Kayombo amesisitiza Kila mtendaji kuzingatia matumizi ya mfumo wa TAUSI ambao ndio mfumo mpya wa Serikali kwaajili ya ukusanyaji wa mapato badala ya mfumo wa LGRCIS na kuzingatia matumizi sahihi ya POS machine.

Aidha watendaji wamesisitizwa kuhakikisha wanasimamia utekelezaji wa miradi ya maendeleo sambamba na kusimamia  ukusanyaji wa mapato 

Nae Mwakilishi wa Mweka hazina Manispaa hiyo Ndg. Honest Agapiti amesisitiza watendaji  kuhakikisha fedha zinaingizwa benki kwa wakati na kuwataka kuacha kukaa na fedha za Serikali mikononi 

Na pia watendaji wamesisitizwa kukusanya fedha kwaajili ya vibali vya ujenzi na pia katika mafunzo hayo elimu kuhusiana na maswala ya Kupambana na kudhibiti Ukimwi yametolewa.