WATOA HUDUMA NGAZI YA JAMII WAKUTANA UBUNGO

Posted on: November 11th, 2023

Watoa huduma ya afya ngazi ya Jamii (WAJA) Manispaa ya  Ubungo jijini Dar es Salaam wamekutana  pamoja kwa ajili ya kupongezana kwa kazi kubwa waliyofanya ya kuhamasisha na kutoa elimu ya masuala mbalimbali ya afya kwa wananchi ikiwemo kujikinga na magojwa yanayoambukiza na yasiyoambukiza ili kuwa na jamii yenye afya bora

Akizungumza wakati wa hafla hiyo mratibua wa kitengo cha huduma za afya ngazi ya jamii Subira Bachuba amewapongeza watoa huduma hao kwa kazi nzuri wanayofanya ya kuwa kiungo kati ya jamii na vituo vya kutolea huduma za afya katika Manispaa hiyo  kwa kuhakikisha jamii inaelimishwa na kuhamasishwa kuzingatia afya ikiwemo wamama wajawazito kuhudhuria klinik, watoto kupata chanjo na ulajibwa lishe bora.

"Nawapongeza watoa huduma wetu wa  ngazi  ya jamii  kwa kazi kubwa mnayoifanya katika mitaa yyote 90 na kata 14 kwa uaminifu nanuadilifu mkubwa hakika nini ni jeshi kubwa linalotegemewa, nawasisitiza  kuendelea kutoa elimu kwa jamii ili kuboresha afya na lishe katika jamii" alisema Bachuba

Wakiongea kwa nyakati tofauti Watoa huduma hao wameishukuru Manispaa ya Ubungo kwa kutambua mchango wao katika kuhudunia wananchi na wameahidi kuendelea kuyekeleza jukunu hilo kwa ufanisi mkubwa katika mitaa yao.

 Watoa huduma wa afya ngazi jamii wanachaguliwa na wananchi kupitia mikutano mikuu ya mtaa.