WATU LAKI MBILI WANATUMIA MWENDOKASI KWA SIKU, DART

Posted on: October 4th, 2022

- Leo oktoba 04, 2022 Wakala wa Usafiri Dar es Salaam (DART) imefanya kikao kilicholenga kutoa elimu kwa watumiaji wa vyombo vya moto na matumizi sahihi ya miundombinu ya usafiri ili kuhakikisha miundombinu hiyo inatunzwa na kutumiwa kwa matumizi lengwa yaliyoainishwa na DART. Kikao hicho kimefanyika leo katika ukumbi wa chuo cha sheria (Law School) ambapo kimehudhuriwa na wakuu wa Wilaya ya Ubungo, Kinondoni, Kigamboni na Kibaha.

- Mtendaji mkuu wa DART Dr. Edwin Mhede ameeleza kuwa usafiri wa mwendokasi katika jiji la Dar Es Salaam unazidi kushika kasi kila siku kutokana na ongezeko la watumiaji kila siku ambapo kwasasa takwimu zinaonesha kuwa UDART wanasafirisha watu  180,000 – 200,000 kupitia mabasi 210 yaliyopo kwa sasa kwaajili ya kutoa huduma ya usafiri wa Umma kwa maeneo mbalimbali ya jiji la Dar es Salaam

Aidha Dr. Mhede ameeleza kuwa muda wowote kutoka sasa DART watasaini mkataba na mtoa huduma mwingine wa pili atakaeongeza mabasi mengine 177 ili kuongeza ufanisi wa huduma na kukabiliana na changamoto zilizopo ikiwemo changamoto vya msongamano pamoja kusubiri muda mrefu vituoni.

Kwa upande wa mgeni rasmi katika kikao hicho mkuu wa wilaya ya Ubungo Mhe. Kheri James ameipongeza DART kwa kufanya kazi nzuri ya kusimamia usafiri wa mwendokasi na amewataka kuendelea kujitahidi kumaliza changamoto zilizopo ili kuleta ufanisi wa huduma

“pamoja na kazi kubwa mnayofanya lakini uhitaji kwa wananchi bado ni mkubwa hivyo mnatakiwa kupanua wigo wa utoaji huduma hiyo” alisema
Aidha kheri amewaomba vingozi, wananchi na wadau mbalimbali kulinda miundombinu ya mwendokasi ili tija yake ihudumu kwa muda mrefu