WATU WENYE ULEMAVU WAPEWA ELIMU YA KINGA YA VVU, UNYANYAPAA NA UBAGUZI

Posted on: June 14th, 2024

Watu wenye ulemavu  tarehe 14 juni, 2024  wamepatiwa semina kuhusu umuhimu wa kujikinga na maambukizi ya VVU lengo likiwa ni kudhibiti ongezeko la watu wenye mambukizi ya UKIMWI na kuepukana na unyanyapaaji wa watu walioathirika

Akifungua mafunzo hayo Mratibu wa kamati ya kudhibiti UKIMWI Manispaa ya Ubungo Ally Mohammed Hassan amesema kuwa, mafunzo hayo yametolewa ili kuwajengea uwezo katika maswala mbalimbali ikiwemo kuepukana na ongezeko la maambukizi mapya ya waathirika wa UKIMWI ambapo lengo ni kutoa elimu ya kujikinga dhidi ya ugonjwa huo, unyanyapaa na ubaguzi

Akitoa mafunzo Dkt. Isiaka Hamisi kutoka hospital ya Sinza palestina ameeleza umuhimu wa kujikinga na maradhi ikiwemo  ugonjwa wa UKIMWI na kuwaelimisha kuhusiana na mtu mwenye  dalili za  Maambukizi ya UKIMWI na kuwasisitiza kuepuka kuwatenga watu hao

Aliendelea kuwaeleza vitu ambavyo vinaweza kukusababishia kupata maambukizi ukiachana na ngono na kuwasisitiza kuacha kuchangia  kutumia vitu vyenye ncha kali kama viwembe, sindano n.k

"UKIMWI unaepukika kwa kuacha ngono zembe kila mmoja ahakikishe anakuwa na mwenza mmoja." Amesisitiza Isiaka

Baada ya semina hiyo wameishukuru Manispaa ya Ubungo kwa kuwawezesha kupata elimu dhidi ya mambukizi  ya UKIMWI na kumshukuru mwezeshaji kwa elimu hiyo.