WAZAZI GOBA WAJITOKEZA KUANDIKISHA WANAFUNZI TEGETA A

Posted on: October 23rd, 2023

Uboreshaji wa miundombinun  ya Elimu  ikiwemo ujenzi wa Shule Mpya zenye madarasa mazuri ya watoto wa Awali katika maeneo mengi, imeleta hamasa kubwa kwa wazazi na walezi  kuandikisha watoto wao kwa elimu ya Awali na msingi kutokana na mazingira mazuri ya kujifunza  na kujifunzia.

Hali hiyo imedhihirika  kwa wakazi wa Mtaa wa Tegeta A kata ya Goba Manispaa ya Ubungo kujitokeza kwa wingi kuandikisha watoto kwa ajili ya kujiunga na elimu ya wali na darasa la kwanza  katika shule mpya  ya msingi tegeta A ambapo ndani ya wiki mbili jumla ya wanafunzi 98 wa awali na 169 wa darasa la kwanza  wameandikishwa.

Afisa uandikishaji shuleni hapo amesema kuwa kwa kipindi kifupi wazazi wamekuwa na mwitikio mkubwa sana kuandikisha watoto wa madarasa ya awali na msingi watakaonza masomo januari 2024

Ameeleza kuwa kwa utaratibu, darasa la awali linapaswa kuwa na wanafunzi 25 ambapo shule hiyo yenye madarasa mawili ya awali  inapaswa kuandikisha  wanafunzi 50 tu lakini kwa muda wa wiki mbili tu jumla ya wanafunzi 98 wameandikishwa na zoezi linaendelea mpaka tarehe 30 desemba.

Wazazi wakiongea kwa nyakati tofauti wameonesha furaha yao baada ya shule hiyo kukamilika na kutegemea kuanza kutumika mwakani kwani imewapunguzia watoto kutembea umbali mrefu kufuata huduma ya elimu. 

"Tunampongeza Mama yetu Samia Suluhu Hasan kwa kutoa fedha za ujenzi wa shule hii, pamoja na uzuri wake lakini kuna majendo mazuri kwa ajili ya watoto wetu wadogo kwa elimu ya awali, hatuna cha kumlipa"

Mzazi akimwandikisha mtoto katika shule ya msingi ya Tegeta A ambayo ina madarasa ya awali pia