WAZAZI WASISITIZWA KUZINGATIA SIKU 1000 ZA UKUAJI WA MTOTO

Posted on: March 19th, 2024

Ni muhimu mama/Walezi/wazazi  kuzingatia lishe bora kwa Siku 1000 toka kutungwa kwa mimba mpaka mtoto anapofikia miaka 2 ili kumuepusha mtoto na magonjwa sugu yasiyoambukiza.

Hayo yameelezwa na Afisa lishe Manispaa ya Ubungo Beatrice Mossile akitoa mafunzo kwa Wauguzi, Maafisa ustawi na Maafisa lishe kwaajili ya  kuwajengea uwezo kuhusiana na lishe bora ili kupunguza ongezeko la watoto wenye utapia Mlo

Mafunzo hayo yametolewa Leo 19 march, 2024 yenye Lengo la kuwajengea uwezo utakao wawezesha kutoa elimu katika ngazi ya  jamii kuhusiana na mikakati inayolenga kuzuia ongezeko la Utapia mlo, kifua kikuu na Ukatili wa kijinsia kwa watoto

Mossile, amesema kuwa ni muhimu Lishe bora kuzingatiwa kwa wakina mama  katika kipindi cha Siku 1000 itasaidia mtoto katika ukuaji wake hasa katika ubongo wa mtoto na  katika swala zima la kujifunza na kuweza kujikwamua kwenye umaskini

Mama anapozingatia lishe yenye mlo kamili itasaidia mtoto atakayezaliwa kuepukana na utapia mlo,uzito pungufu na kupunguza kiwango Cha udumavu kwa watoto.alisisitiza Mossile

Ni muhimu kuzingatia Makundi muhimu ya vyakula ambayo yako sita nayo ni  1.Nafaka 2.vyakula asili ya mimea 3.vyakula vyenye asili ya wanyama 4.Matunda 5.Mboga mboga na 6. sukari,asali na mafuta. Alisema hayo Mossile

Aidha, Mratibu wa kifua kikuu Manispaa ya Ubungo Catherine Saguti amesema kuwa watoto wako hatarini kupata kifua kikuu kulingana na Mazingira ambayo yamewazunguka ikiwemo kuishi na mtu mzima mwenye kifua kikuu Cha mapafu na kuishi kwenye jamii yenye maambukizi ya kifua kikuu

Catherine aliendelea kwa kusema kuwa, Dalili za kifua kikuu kwa mtoto ni pamoja na kukohoa kwa wiki mbili mfululizo,kukosa uchangamfu,kupungua uzito,kukosa hamu ya kula na kupata homa kwa wiki mbili au zaidi

Aidha,Afisa Ustawi Manispaa ya Ubungo Zainabu Masilamba amesisitiza uzingatiaji wa malezi ya watoto kwa kuwapa malezi bora ili kuepukana na matendo ya Ukatili wa kijinsia kwa kuwapa mahitaji muhimu

Aliendelea kwa kusema kuwa ni muhimu watoto kupewa elimu kuhusiana na maswala  ya Ukatili wa kijinsia unaofanyika katika jamii zetu ili tuwaepushe na watu wenye dhamira mbaya