WAZEE WAMPONGEZA DC KOMBA KWENYE KONGAMANO

Posted on: December 4th, 2023

Wazee kutoka Kata ya Kwembe wamempongeza Mkuu wa Wilaya ya Ubungo Mhe.Hashim Komba kwa  kuwa kiongozi wa mfano kwa  kuandaa kongamano la baraza la wazee Wilaya ya Ubungo ili kusikiliza kero zao na pia wamemshukuru kwa ujio wake katika kata hiyo.

Pongezi hizo zimetolewa  tarehe 4 disemba, 2023 katika ukumbi wa Elite uliopo Kwembe ambapo Komba alisikiliza kero za wazee hao na kuahidi  kila changamoto iliyoongelewa itatatuliwa kwa wakati 

Akiongea Kuhusiana na swala la ulinzi na usalama Komba amewaagiza police kata kuhakikisha mitaa yote inakuwa na ulinzi shirikishi na kuhakikisha wanafanya dolia mara kwa mara ili kuhakikisha maswala ya uhalifu yanatoweka katika mitaa na kuwaagiza pia  wenyeviti kuhakikisha wanasimamia swala hilo baada ya wazee hao kulalamikia uwepo wa vibaka katika maeneo yao.

Komba, baada ya kupokea changamoto ya wazee hao ya  kukosa matibabu wanapofika katika vituo hasa waliopatiwa bima ya msamaha wa matibabu na wengine kukosa bima hizo za masamaha wa matibabu, Komba  alimwaagiza Afisa ustawi kuhakikisha wazee wote wanapata bima za msamaha wa matibabu kwa wasio nazo  na kuwataka wataalam hao kufatilia changamoto hiyo ya kukosa matibabu kwa wazee na kutafutia  suluhisho kwa haraka 

Aliendelea kueleza kuwa,  kwa wazee waliokosa  msaada kutoka katika mfuko wa maendeleo ya jamii wa kusaidia kaya maskini (Tasaf) baada ya kujiandikisha Komba aliwaagiza  wataalam wanaoratibu zoezi hilo la kutambua kaya maskini kuhakikisha wanaporatibu zoezi katika ngazi ya jamii kuhakikisha wanawapatia mrejesho wananchi ili wajue Muafaka wa mazoezi ambayo Serikali inayafanya ili kuondoa sintofahau kwa wananchi, baada ya wazee hao kulalamika kuchukuliwa kwa taarifa zao bila yakuona mwendelezo 

Na katika swala la urasimishaji ambao maeneo yao yalishapimwa na wanasubili kupatiwa hati, Komba aliwataka kufika katika viwanja vya Kimara Stopover ambapo zoezi la ardhi clinik linaendelea  ili waweze kupata hati zao 

Nae, Makamu wenyekiti wa baraza la wazee kutoka chama Cha mapinduzi Ndg.Pheruzy Kafuku Amewashukuru wazee kutoka Kwembe  kwa ujio wao na kumshukuru Mkuu wa Wilaya kwa kuwasilikiza wazee hao