WAZIRI MKUU ALAANI VITENDO VYA UVUNJIFU WA AMANI VILIVYOTOKEA OKTOBA 29, AWASIHI WANANCHI KUILINDA TANZANIA KWA WIVU MKUBWA

Posted on: November 24th, 2025

Waziri Mkuu wa Tanzania, Mheshimiwa Dkt. Mwigulu Lameck Nchemba Madelu, amelaani vikali matukio ya uvunjifu wa amani yaliyotokea Oktoba 29, na kuyataja kuwa ni kitendo kisichokubalika ambacho kinaashiria jaribio la kuvuruga misingi ya utulivu na mshikamano wa taifa.

Akizungumza leo jijini Dar es salaam katika mkutano wake wa hadhara ikiwa ni seheumu ya kufanya tathmini ya athari ya vurugu za uchaguzi zilizotokea Oktoba 9, 2025, Dkt. Nchemba alisema takwimu za awali zinaonyesha kuwa zaidi ya ofisi za kata 700 zimechomwa moto, pamoja na vituo vya mafuta, magari ya watu binafsi, pikipiki, na miundombinu mingine ikiwamo vituo vya mwendokasi, na kusababisha athari kubwa katika uzalishaji na maisha ya wananchi.

“Haya mambo si ya kuchukuliwa kwa wepesi. Athari zake ni kubwa, na wengi wa waathiriwa ni vijana. Ni vyema vijana wetu wakafikiria kabla ya kuchukua hatua,” alisema Waziri Mkuu.

Dkt. Nchemba amesisitiza kuwa Tanzania ni nchi tajiri kwa rasilimali, na ndiyo sababu baadhi ya watu wanajitokeza kuidhoofisha kwa kuchochea migawanyiko ili kuifanya isitawalike.

“Tanzania ni tajiri kwa rasilimali. Ndiyo maana wengine wanachonganisha ili nchi iyumbe na iingie kwenye machafuko. Lakini serikali ipo imara, na tutaendelea kuilinda nchi kwa gharama yoyote,” aliongeza.

Kuhusu miundombinu iliyoharibiwa, Waziri Mkuu alisema serikali tayari imeanza tathmini ya uharibifu na itagharamia ukarabati wake ili huduma kwa wananchi zirejee haraka.

Aidha, amewataka wananchi kumwamini Mheshimiwa Rais pamoja na tume maalum aliyoiunda kuchunguza matukio hayo, akisema tume hiyo ndiyo itakayotoa picha kamili ya kilichotokea.

“Wapo wanaojaribu kuligeuza hili suala na kulizungushia kwenye mviringo wa uchaguzi au vyama vya siasa. Lakini ukweli ni kwamba hii ni vita ya kugombania rasilimali tulizonazo. Tanzania si mali ya serikali, wala ya vyama vya siasa—ni mali ya Watanzania,” alisema.

Katika hatua nyingine, Waziri Mkuu alikemea vikali kauli za baadhi ya viongozi wa dini wanaodai kuwa wako tayari “kukata vichwa kwa ajili ya kumlinda Rais”, akisema misimamo ya namna