WAZIRI WA MIFUGO NA UVUVI MHE.LUHAGA MPINA ATEMBELEA BANDA LA UBUNGO KWENYE MAONYESHO YA NANENANE

Posted on: August 2nd, 2020

Waziri wa Mifugo na Uvuvi  Mhe. Luhaga Mpina tarehe 2/8/2020 atembelea banda la Ubungo kujionea kilimo cha kisasa, mashine za kisasa za kilimo na wajasiriamali wa kilimo, mifugo, uvuvi na usindikaji na kupokelewa na mwenyeji wake ambaye pia ni Mkurugenzi wa Manispaa ya Ubungo  Beatrice Dominic,  Afisa Kilimo,Umwagiliaji na Ushirika wa Manispaa ya Ubungo   Happiness Mbelle na watumishi wa Manispaa  hiyo.

Wakati akitembelea mabanda hayo Waziri aliipongeza Manispaa ya Ubungo kwa kuonyesha utofauti kwa kuweka banda  la Afya ambalo linatoa huduma kwa wakulima na wafugaji bure na kwa mtu yeyote atakaye tembelea banda la Ubungo.

Aidha Waziri alimshauri Mkurugenzi  atenge eneo kwa ajili ya wafugaji katika eneo linalomilikiwa  na Halmashauri lililopo Kibesa. 

Vilevile Waziri alisema kuwa  baadhi ya vitu ambavyo vimekuwa vivutio ni mtambo unaotumia umeme wa upepo (windmill generator) mtambo huu unaweza kutoa maji kwa njia ya upepo na yakatumika kwa umwagiliaji.

Sambamba na hayo  kilimo cha nyumba ya kijani (Green House) ambacho kina mazao kama nyanya, matango, letusi ya kijani, letusi nyekundu na col flower. Aliongeza Waziri

Wakati huohuo banda la ubungo limeendelea kupokea wageni tofauti tofauti ambao wanakuja kutembelea banda hilo

 Mwisho Mhe. Waziri alikata keki na kula pamoja na watumishi na  wajasiriamali.