WENYEVITI WA MITAA MANZESE WAJINASIBU KUSHINDA PIKIPIKI, KAU - SAPEU WAIKUBALI NA WAAHIDI USHIRIKIANO WA DHATI

Posted on: September 6th, 2023

Mapema  Septemba 6, 2023 idara ya udhibiti wa taka ngumu na usafishaji Manispaa ya Ubungo ikiongozwa na mkuu wake wa idara ndugu Lawi Benard, wameendelea na uhamasishaji wa usafi wa mazingira katika muendelezo wa kampeni ya "Kataa Uchafu, Safisha Pendezesha Ubungo (KAU - SAPEU)"

Uhamasishaji huo umefanyika kata ya Manzese katika mitaa ya Mnazi mmoja, Mwembeni na mtaa wa Midizini.

Wenyeviti wa mitaa hiyo wamejinasibu kuwa na mbinu na mikakati kabambe ya kuhakikisha mitaa yao inakuwa misafi na salama wakati wote

Ikumbukwe kampeni hiyo ilizinduliwa Agosti 26, 2023 katika kata ya Manzese na Mkuu wa wilaya ya Ubungo Mhe. Hashim Komba, ambapo kila baada ya miezi mitatu kutakua na tahmini ya mshindi wa kwanza kwa usafi ambapo atapatiwa zawadi ya shilingi 600,000 mshindi wa pili shilingi 300,000 na mshindi wa tatu kupata shilingi 200,000.

Aidha, kila baada ya miezi 6 pia kutakua na tathmini kubwa zaidi ambapo mtaa utakaoibuka mshinda utapatiwa pikipiki mbili, moja ikiwa ni ya mwenyekiti na nyingine mali ya mtaa

Ikumbukwe, mtaa utakaokuwa mchafu kuliko yote utakabidhiwa bendera itakayokuwa imeandikwa "Balozi wa Uchafu Ubungo", na hiyo yote ni katika kusaidia mitaa yote ishindane kuwa misafi ili isikabidhiwe bendera hiyo