WENYEVITI WA MITAA UBUNGO WAAHIDI KUSHIRIKI KIKAMILIFU ZOEZI LA ANWANI ZA MAKAZI

Posted on: March 1st, 2022

Wakati zoezi la Anwani za Makazi  na Positikodi likiwa limeanza kwa Wilaya ya Ubungo, Wenyeviti wa Mitaa katika Wilaya hiyo wamemwahidi Mkuu wa Wilaya hiyo Mhe. Kheri James kutoa ishirikiano wa hali na Mali kwa makarani wanaofanya kazi ya kukusanya taarifa za makazi kwenye mitaa yao ili kufanikisha kazi hiyo kwa ufanisi na uharaka.

Wenyeviti wameitoa ahadi hiyo  kwenye kikao kazi kilichofanyika leo Machi 1, 2022 kilicholenga kuwapa uelewa  wa  majukumu yao katika kufanikisha zoezi hilo mhimu kwa maendeleo ya Taifa.

Katika kuhakikisha zoezi hilo linaenda vizuri, Wenyeviti hao wameshauri kwenye maeneo ambayo ni makubwa idadi ya Makarani iongezwe ili zoezi liweze kufanyika kwa  ufanisi  na haraka zaidi.

Akiongea na Wenyeviti hao, Mhe. James amewaeleza Wenyeviti hao kuwa zoezi hilo ni Maalumu linategemea Sana ushiriki wao kwani nyumba na viwanja vyote vinapatikana kwenye mitaa yao hivyo ushiriki wao ni mhimu Sana.

"Zoezi hili ni letu  na ninyi mnalimudu vizuri sana,  twedeni tukafanye kazi hii ya kizalendo uwezo wetu wote" alisisitiza Mhe. James

Kuhusu utengenezaji wa vibao, Mkuu wa Wilaya amesema mchakato wa kuwapata wazabuni utaratibiwa ngazi ya Mtaa  huku sifa za vibao zizingatie vigezo vilivyopo kwenye mwongozo Anwani za Makazi na Positikodi

Aidha, Mhe. Kheri amewaeleza Wenyeviti hao kuwa Kwa barabara ambazo zilisahaurika kuzipa majina watumie utaratibu wa awali Kwa kuziainisha barabara hizo na kuziwasilisha haraka ili ziingizwe kwenye mfumo.

Wilaya ya Ubungo imeanza Rasmi ukusanyaji wa taarifa za Anwani na Makazi tarehe 28 Februari, 2022 kwenye mitaa yake 90 iliyopo katika kata 14.

@comradekheri @kibambampya_maendeleo @kitilamkumbo@ortamisemi #anwanizamakazi #kaziiendelee 

"Ubungo yetu Fahari yetu"