WORLD VISION yatambulisha Mradi wa AHADI (AHADI PROJECT) Wilaya ya Ubungo.

Posted on: May 15th, 2023

Katika utambulisho huo wa mradi, Mgeni rasmi, Mkuu wa Wilaya ya Ubungo Mhe. Hashim Komba alianza kwa kuwashukuru World Vision kwa mradi huo ambao unatekelezwa katika Wilaya nne ndani ya Mkoa wa Dar es salaam, Ubungo ikiwa ni moja ya wanufaika. Mradi huo unaohusiana na utoaji wa elimu ya Maadili na Afya ya uzazi kwa watoto wa kike na kiume waliopo shule na nje ya shule kuanzia umri wa miaka 10 hadi 19.

Mhe. Komba alisema "naamini mradi huu unakwenda kuleta mabadiliko makubwa katika Wilaya yetu hasa kipindi hiki kwani kumekuwepo na uporomokaji mkubwa wa maadili. Aliyataja baadhi ya maeneo yaliyopo katika Wilaya hiyo kama Mburahati na Manzese ambayo yapo hatarini.

Pia Mhe. Komba alisema malengo ya kuutambulisha mradi huo kwa wadau ndani ya Wilaya hiyo ni kuwapa uelewa wa mradi huo ili waweza  kutoa ushirikiano. Wadau hao ni Kamati ya ulinzi na usalama ya Wilaya, Wakuu wa Idara na Vitengo, Viongozi wa dini, Watendaji wa Kata na Mitaa ili kila mmoja autambue na aweze kutoa ushirikiano kwa nafasi yake na kuhakikisha malengo ya mradi yaliyokusudiwa yanafikiwa.

Aliongeza zaidi, katika mradi huu unaolenga watoto wa kike na kiume kuanzia umri wa miaka 10 hadi 19. Ukaguse makundi yaliyokusudiwa, makundi yaliyolengwa na mradi huo na kuwataka watendaji kwenda kusimamia hilo, alisema "Nendeni mkawe msaada kubainisha makundi lengwa katika maeneo yenu".

Mradi huo unaosimamiwa na Bi. Mwivano Malimbwi ambaye ni Meneja mradi kutoka World Vision, alisema mradi huu unawalenga watoto wa kike na kiume waliopo shule na nje ya shule ili kuwapa Elimu ya maadili na Afya ya uzazi. Hilo limekuja kwa kuona kuna changamoto kubwa upande wa maadili na Afya ya uzazi, hivyo World Vision wakaone waje na mradi huo na kwa kushirikiana na wadau mbalimbali wanajishughulisha na makundi ya jamii moja kwa moja na kwa kuangalia Dira ya Serikali juu ya jambo hilo.