YALIYOJIRI KONGAMANO LA DC KOMBA NA WAZEE WA KATA YA MBEZI

Posted on: December 6th, 2023

 Mapema  disemba 6, 2023 mkuu wa wilaya ya Ubungo Mhe. Hashim Komba ameongoza kongamano la kuongea na wazee wa kata ya Mbezi lilifanyika katika ukumbi uliopo kwenye kituo cha mabasi cha Magufuli

• DC Komba amekiagiza kitengo cha ustawi wa jamii Manispaa ya Ubungo kuhakikisha takwimu halisi za wazee ndani ya wilaya ya Ubungo zinapatikana ili kupata namna nzuri zaidi ya kuwafikia wazee wote na huduma zao za msingi hasa huduma ya afya
• Viongozi wote kuanzia ngazi ya mtaa kwa kuanza na wenyeviti wa mtaa wanatakiwa wajenge utamaduni wa kushuka chini kukutana, kuongea na kutatua changamoto za wazee
• DC Komba amesisitiza kuwa uzee ni tunu, uzee ni hekima, uzee ni busara na uzee ni dawa, hivyo uongozi mzima wa wilaya ya Ubungo utahakikisha unaweka mazingira rafiki ya upatikanaji wa huduma zote za msingi za wazee wetu, na kwa kufanya hivo ni kutekeleza maagizo ya Mhe. Rais Dkt. Samia Suluhu Hassan
• Miongoni Mwa hoja zilizogusiwa sana na wazee hao ni pamoja na hoja ya kuigawanya kata ya Mbezi kiutawala kutokana na ukubwa wake, hoja ambayo imepokelewa na DC Komba ambapo ameahidi kuanza mchakato wa kufikia hatua hiyo ya kugawanya au kuongeza maeneo ya kiutawala kulingana na ukubwa wake

•  Katika hoja ya uboreshaji wa miundombinu ya barabara kwa kuweka lami ambapo wazee wameomba hilo lifanyike, DC Komba amewahakikishia wazee hao kuwa serikali ya Dkt. Samia Suluhu Hassan ipo kazini kutekeleza shughuli mbalimbali za maendeleo ambapo tayari wilaya ya Ubungo imekwishapatiwa jumla ya kilomita za lami 52.26 kupitia mradi wa DMDP ambapo ujenzi wa barabara hizo unatarajiwa kuanza mapema mwaka 2024

•  DC Komba anaendelea na ziara yake ya kukutana na kuongea na wazee wa wilaya ya Ubungo kwa kata zote 14 ili kusikiliza na kutatua kero zao