ZIARA YA DC KOMBA KATA KWA KATA YAANZA KWA NAMNA YA PEKEE | ATOA MAAGIZO MAKALI KWA WATUMISHI WA UMMA

Posted on: July 11th, 2023

 Julai 11, 2023 mkuu wa wilaya ya Ubungo Mhe. Hashim Komba ameanza ziara yake ya kukagua miradi na kutatua kero za Wananchi katika kata ya Goba, ziara ambayo amepanga kuifanya kwa muda wa siku 14 kuanzia leo Julai 11 mpaka Julai 26, 2023 katika kata zote 14 za wilaya ya Ubungo. 

Katika kata ya Goba leo DC Komba amekagua jumla ya miradi minne ambayo ni shule ya sekondari Goba, Shule ya msingi Kinzudi, Zahanati ya Kinzudi pamoja na mradi wa shule mpya ya msingi ya Tegeta A inayojengwa kwa fedha za BOOST

DC Komba ametumia ziara hiyo kuwaonya watumishi wa umma ambao wamekua na kawaida ya kutumia nafasi zao vibaya kwa maslahi binafsi ikiwemo kula rushwa pamoja na kutokuwa waadilifu kwenye kusimamia miradi ya maendeleo kuwa wanatakiwa kuacha tabia hiyo mara moja kwani la sivyo itawagharimu

 DC Komba ametoa muda wa mpaka Agosti 11 ujenzi wa mabweni shule sekondari Goba pamoja na mradi wa zahanati ya Kinzudi kukamilika ili kuanza kutoa huduma kwa wananchi ili kuunga mkono juhudi za Mhe. Rais Dkt. Samia Suluhu Hassan za Kugatua huduma kwa wananchi 

Katika mradi wa shule ya msingi Kinzudi, DC Komba ameridhishwa na kufurahishwa na mradi huo ambao umetumia shilingi milioni 100 kujenga madarasa matano pamoja na madawati yake katika ubora mkubwa.

Aidha DC Komba amechangisha harambee ya kiasi cha shilingi 371000 ili kusaidia zoezi la umaliziaji wa vyoo vya shule hiyo na ametoa maelekezo kwa afisa elimu msingi kuhakikisha shule hiyo inapatiwa usajili mapema kutoka sasa ili ianze kutumika 

 Mwisho DC Komba amefanya mkutano na wananchi wa Goba katika eneo la Simba Oil, ambapo amesikiliza kero za wananchi wa kata ya hiyo na kuzipatia ufumbuzi.

DC Komba katika ziara yake aliungana na wataalamu wa manispaa ya Ubungo, wataalamu kutoka TARURA pamoja na wataalamu kutoka DAWASA 

DC UBUNGO  Hashimu Komba  akikagua miradi katika ziara aliyoianza ya kukagua miradi Kata kwa kata