ZIARA YA DC KOMBA KATIKA KATA YA KIBAMBA

Posted on: July 13th, 2023

Siku ya Tatu ya Ziara ya DC Komba ya Kata kwa Kata imeendelea tena  katika kata ya Kibamba ambapo mkuu wa wilaya ametemvekea jumla ya miradi mitatu ya maendeleo pamoja na kutembelea kituo cha kulea watoto wa kike wanaoishi kwenye mazingira magumu cha DMI spring

- Awali akianza ziara yake DC Komba alifanya kikao na kamati ya maendeleo ya kata ya Kibamba katika ukumbi wa Tausi

- Miradi ya maendeleo iliyotembelewa  ni pamoja na mradi wa ujenzi wa chuo cha ufundi stadi cha VETA kinachotakiwa kujengwa eneo la Kibwegere, ujenzi wa ofisi wa serikali ya mtaa Hondogo pamoja na kivuko cha Hondogo - Gogoni

- DC Komba amesikitishwa na hali aliyoikuta katika eneo la mradi wa chuo cha ufundi stadi VETA ambapo hadi hivi sasa ujenzi rasmi haujaanza bado. Tayari taratibu za kusbughulikia suala hilo kupitia wizara ya elimu zimekwishaanza

- Aidha DC Komba amekipongeza kituo cha DMI kwa kazi nzuri wanayoifanya ya kulea mabinti hao pamoja na kuwafundisha ujuzi mbalimbali. Tayari amemuagiza katibu tawala Ubungo kuandaa kilo 500 za mchele kwaajili ya kituo hicho kama shukrani za wilaya kwa kazi nzuri kituo hicho kinachofanya